थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

विपन्नके विपटमे महिला समूहके साथ

पहुरा | २५ कार्तिक २०७७, मंगलवार
विपन्नके विपटमे महिला समूहके साथ

पहुरा समाचारदाता
धनगढी, २५ कार्तिक ।
धनगढी उपमहानगरपालिका–८ मे रहल गणेश टोल विकास समिति ओ सृजनशील महिला समूहसे विपन्न परिवारके विपटमे साथ डेले बाटै ।

टोलमे बैठ्टी आइल सियाराम चौधरीके विपटमे टोल विकास समिति ओ महिला समूहसे साथ डेहल हुइट । गोसिन्या गुमाइ पुगल उहाँहे समिति ओ समूहसे नगद नौ हजार रुपैयाँ किरिया खर्च सहयोग करल बा ।

कार्तिक २० गते चौधरीके गोसिन्या रामकुमारीके ज्यान गैल रहे । मजदुरी कैके गुजारा करटी आइल ओहकान दुःखमे मलम लगैना ओ भावनात्मक साथके लाग सहयोग करल टोल विकास समिति जानकारी डेले बा । समितिसे पाँच हजार ओ सृजनशील महिला समूहसे चार हजार कैके नौ हजार रुपैयाँ सहयोग करल टोल विकास समितिके अध्यक्ष कमला बुढाथोकी ओली जानकारी डेली ।

वडा नम्बर ८ के वडाध्यक्ष नारायण बराल मंगरके चौधरीहे सहयोग रकम हस्तान्तरण करल रहिट । उ क्रममे उहाँ वडाभिट्टर गणेश टोल विकास समिति ओ सृजनशील महिला समूहसे उदाहरणीय काम करटी आइल उल्लेख करलै । ‘विपन्न परिवारके दुःखमे मलम लगैना अत्यन्त सह«ानीय कार्य हो,’ उहाँ कहलै, ‘अइसीन कार्यहे निरन्तरता डेटी रहे परल ।’

ओस्टके, विपन्नहे सहयोग कैना कार्यके सिको औरे टोलके समिति फेन कैना आवश्यक रहल वडाध्यक्ष बरालके कहाइ रहे । टोलवासी मासिक रुपमे रकम उठाके जम्मा कैना करल बाटै । ओस्टके जम्मा करल रकम विकास निर्माणमे खर्च ओ विपटमे परल विपन्न, कमजोर परिवारहे सहयोग कैना करल बा । ओस्टके, सृजनशील महिला समूहके सदस्य त्रैमासिक रुपमे एक सय रुपैयाँके दरसे रकम उठाके जम्मा कैना करल बाटै ।

उ मध्ये ७० रुपैयाँ समूहके कोषमे ओ ३० रुपैयाँ विपट कोषमे जम्मा कैना करल बा । विपट् कोषमे जम्मा करल रकमसे समूहमे आबद्ध विपन्नहे दुःख परल बेला सहयोग कैना करल समितिके अध्यक्ष ओली जनैली । ‘हमार करल सहयोग ढिउर नाइहो,’ उहाँ कहली, ‘मने, आफन्त गुमाइल पीडामे कम रहलेसे फेन मलम लगैना ओ भावनात्मक साथके लाग सहयोग करटी रहल बाटी ।’ टोलवासीसे आपन गाँस काटके बचत करटी आइल ओ आपटविपटमे आवश्यक परलहे सहयोग कैना करल ओलीके कहाइ रहे ।

ओस्टके, उ टोलके स्थानीय घर–घरसे खाद्यान्न, तरकारी, नूनसमेत उठाके चौधरीहे सहयोग करले बाटै । यिहीसे आघे, समितिसे टोलमे बैठ्टी आइल दुई परिवारहे किरिया खर्च सहयोग करल रहे ।
टोल विकास समितिसे आयोजित श्रद्धाञ्जलि अर्पण तथा किरिया खर्च सहयोग कार्यक्रममे मृतक रामकुमारीके घरके सदस्य, टोलवासी ओ सृजनशील महिला समूहके पदाधिकारीके उपस्थिति रहल रहे ।

जनाअवजको टिप्पणीहरू