थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

दीपज्योति महिला विकास कृषक सहकारीहे नियमित करोवार विधा सम्मान

पहुरा | २६ कार्तिक २०७७, बुधबार
दीपज्योति महिला विकास कृषक सहकारीहे नियमित करोवार विधा सम्मान

पहुरा समाचारदाता
धनगढी,२६ कार्तिक ।
कैलालीके धनगढी उपमहानगरपालिका–५ मे रहल दीपज्योति महिला विकास कृषक सहकारी लिमिटेड ‘नियमित करोवार विधा’से सम्मानित हुइल बा ।

राष्ट्रिय सहकारी बैंक लिमिटेड अपन १६ औं बार्षिक साधारणसभाके अवसरमे बुधके रोज धनगढीमे दीपज्योति महिला विकास कृषक सहकारी लिमिटेडहे नियमित करोवार विधामे सम्मान करल हो ।

आर्थिक बर्ष २०७५/०७६ सालमे शाखा कार्यालय धनगढीसंग सदस्य सहकारी संघ/सस्थासे करल करोवारके आधारमे ‘नियमित करोवार विधा’से सम्मान करल राष्ट्रिय सहकारी बैंक लिमिटेडके शाखा प्रमुख कृष्ण रावल बटैलै । सम्मान तथा प्रशंसापत्र दीपज्योति महिला विकास कृषक सहकारी लिमिटेडके अध्यक्ष जोधनीदेवी चौधरी ओ व्यवस्थापक गुरुप्रसाद चौधरीहे हस्तान्तरण करल रहे ।

२०६४ सालमे दर्ता हुइल दीपज्योति महिला विकास कृषक सहकारी लिमिटेड बचत समूह बनाके बचत कैना, समुहमे टिना खेती कैना, कृषकहुकनहे रसायनिक मल विक्री वितरण करटी आइल अध्यक्ष जोधनी बटैली ।

सहकारीके व्यवस्थापक गुरुप्रसाद चौधरी टमान समूह बनाके पहिले दुई रुप्यासे बचत सुरु करलमे अब्बे पौने तीन करोडके कारोवार करटी रहल जनैलै । सहकारीमे अब्बे ४८९ शेयर सदस्य सहिट ५०९ सदस्य रहल उहाँ जनैलै ।

जनाअवजको टिप्पणीहरू