मोटरसाइकल दुर्घटनामे महिलाके मृत्यु

पहुरा समाचारदाता
धनगढी, २७ कार्तिक । कैलालीमे मोटरसाइकल दुर्घटनामे परके एक महिलाके मृत्यु हुइल बा ।

जिल्लाके लम्कीचुहा नगरपालिका वडा नम्बर ३ गोराङ्गेमे बुधके रात ८ बजेओर पुरुबसे पश्छिउ ओर अइटी रहल से ४ प ९२५६ नम्बरके मोटरसाइकलसे ठक्कर डेहेबर महिलाके मृत्यु हुइल जिल्ला प्रहरी कार्यालय कैलाली जनैले बा ।

कैलालीके प्रहरी प्रवक्ता प्रहरी नायव उपरीक्षक प्रतिक बिष्टके अनुसार अन्दाजी ३५ वर्षीया उ महिलाके टीकापुर अस्पतालमे उपचारके क्रममे मृत्यु हुइल हो ।

मृतकके पहिचान खुले नाइ सेकल प्रहरी जनैले बा । मोटरसाइकल ओ चालक ३६ वर्षीय प्रेम साउदहे नियन्त्रणमे लेहल प्रहरी प्रवक्ता बिष्ट जानकारी डेलै । महिलाके शव टीकापुर अस्पतालमे रहल उहाँ बटैलै ।