नगर प्रमुख चौधरी कोरोनामुक्त

पहुरा समाचारदाता
सुखड, २८ कार्तिक । घोडाघोडी नगरपालिकाके नगर प्रमुख ममताप्रसाद चौधरी कोरोना जित्ले बाटै ।

संक्रमण मुक्त हुइलसंगे नगरप्रमुख चौधरी नियमित काममे फर्कल बाटै । कोरोना पुष्टि हुइलपाछे कुछ दिन होम आइसोलेसनमे बैठल नगर प्रमुख दुसरा परिक्षणके क्रममे आपन रिपोट नेगेटिभ आइल जानकारी डेहल हुइट ।

१४ कार्तिक पहिल स्वाब डेहल उहाँके रिर्पोट कार्तिक १७ गते पोजेटिभ आइल रहे । परिक्षणमे कोरोना संक्रमण पुष्टि हुइलेसे फेन आपनमे कौनो मेरके लक्षण नाइ डेखल बटैटी नगर प्रमुख चौधरी संक्रमण रहल ओ नाइ रहल सक्कु जनहनहे कारोना संक्रमणप्रति सतर्कता ओ संयमता अपनैना आग्रह करले बाटै ।