थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

बाल संरक्षण नीति सम्बन्धी कार्यशाला

पहुरा | २८ कार्तिक २०७७, शुक्रबार
बाल संरक्षण नीति सम्बन्धी कार्यशाला

पहुरा समाचारदाता
धनगढी, २८ कार्तिक ।
धनगढी उपमहानगरपालिकाके बाल संरक्षण नीति सम्बन्धी अन्तरक्रिया कार्यक्रम हुइल बा ।

कार्यशालामे उपमहानगरपालिकासे तयार करल बाल संरक्षण नीतिके कार्यान्वयनके अवस्था बारेमे छलफल हुइल रहे । छलफलमे धनगढीमे बाल अधिकार संरक्षणके चुनौतीके बारेमे गहन छलफल हुइल धनगढी उपमहानगरपालिकाके नगरप्रमुख नृपबहादुर वड बटैलै ।

धनगढी उपमहानगरपालिकासे बालअधिकार संरक्षणके लाग नीतिगत व्यवस्थाके साथे ओइनके सहभागिताके सुनिश्चितताके लाग टमान कार्य करटी अइटी रहल बा नगरप्रमुख वड कहलै, अइना दिनमे ठप अधिकार सुरक्षित करटी लैजाजाई ।

धनगढी उपमहानगरपालिकाके उपप्रमुख तथा नगरस्तरीय बाल अधिकार संरक्षण समितिके संयोजक सुशीला मिश्र भट्ट काल्हके देश, समाज ओ विश्व कैसिक बनैना कना बालबालिकाहे हेर्ना दृष्टिकोण कैसिन बा कना बाटसे निर्धारण कैना बटैली ।

बालअधिकारके संरक्षणके लाग अइना दिनमे कार्ययोजना बनाके आघे बह्रबी संयोजक भट्ट कहली, ‘सक्कु कामके लाग बजेट चाहठ कना नाइहो कतिपय काम बजेट बिना फे हम्रे करले बाटी ।’

कार्यक्रममे धनगढीके प्रमुख प्रशासकीय अधिकृत जगन्नाथ पन्त, धनगढी उपमहानगरपालिका १९ वडाके अध्यक्ष, कार्यपालिका सदस्य, बेस कैलालीके संयोजक लक्ष्मण चौधरी, मर्सिकोरके प्रतिनिधि सहभागि रहल रहिट ।

कार्यक्रमके सहजीकरण बिष्णु खत्री ओ टंक बिष्ट करले रहिट । सीमान्तकृत बालिकाको शिक्षामा पहुँच परियोजना दोश्रो चरण अन्तरगत यूकेएडके सहयोग तथा मर्सिकोरके प्राविधिक सहयोगमे बेस ओ धनगढी उपमहानगरपालिका कार्यक्रमके आयोजना करल रहे ।

जनाअवजको टिप्पणीहरू