थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

सामुदायिक सूचना प्रविधि केन्द्रके उद्घाटन

पहुरा | २८ कार्तिक २०७७, शुक्रबार
सामुदायिक सूचना प्रविधि केन्द्रके उद्घाटन

पहुरा समाचारदाता
हसुलिया, २८ कार्तिक ।
कैलारी गाउँपालिका वडा नम्बर ८ वडा कार्यालयमे बिफेक रोज सामुदायिक सूचना प्रविधि केन्द्रके उद्घाटन करल बा ।

कैलारी गाउँपालिकाके अध्यक्ष लाजुराम चौधरी एक कार्यक्रमके बीच केन्दके उद्घाटन करल हुइट । क्यानडा सरकार, सेसी नेपालके सहकार्य ओ ग्राम विकास अनुसन्धान केन्द्र (आरडीआरसी) के आर्थिक सहयोगमे उ वडामे सामुदायिक सूचना प्रविधि केन्द्र स्थापना करल हो ।

वडाध्यक्ष दुःखीराम कठरियाके अध्यक्षतामे हुइल उद्घाटन कार्यक्रममे सेसीके क्षेत्रीय कार्यक्रम संयोजक महेन्द्र शाही, आरडीआरसीके अध्यक्ष दीर्घराज उपाध्याय, जिल्ला संयोजक ठाकुर करियाप्रधान, राजनीतिक दलके प्रतिनिधि, कर्मचारी, स्थानीय भलमन्सा, बुद्धिजीवी लगायतके उपस्थिति रहल रहे ।

सामुदायिक सूचना प्रविधि केन्द्रके स्थापनासे स्थानीय सरकारके गतिविधिके बारेमे नागरिकहे सूचना प्राप्त कैना सहज हुइना जनाइल बा । ओस्टेक करके, स्थानीय सरकारके सक्कु डाटा डिजिटाइज्ड हुइनाके साते अपडेट हुइना ओ स्थानीय सरकारहे पारदर्शी बनैना सहयोग पुगैना बटाइल बा ।

‘अब स्थानीय सरकारके गतिविधिके बारेमे अनलाइन, अफलाइन ओ भौतिक रुपमा सूचना प्राप्त करे सेक्जाई’, आरडीआरसीके जिल्ला संयोजक करियाप्रधान कहलै ।’ ‘यैसिन सुविधासे नागरिक ओ स्थानीय सरकारबीचके दूरी कम हुके सम्बन्ध बह्री ।’ सामुदायिक सूचना प्रविधि केन्द्रके स्थापनासे दूरदराजमे रहल महिला तथा सीमान्तकृत वर्गके सूचनामे पहुँच बह्रना करिया प्रधानके कहाई रहे ।

स्थानीय सरकारके गतिविधिहे पारदर्शी ओ युग सुहैटी प्रविधिमैत्री बनाइक लाग आरडीआरसीसे धनगढी उपमहानगरपालिका ओ कैलारी गाउँपालिकामे काम करटी आइल बा ।

सम्बन्धित समाचार

कैलारी सूचना प्रविधिमैत्री बन्टी

जनाअवजको टिप्पणीहरू