थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

बैतडीके खोड्पेमे बस दुर्घटना, ९ जानेक ज्यान गैल

पहुरा | २८ कार्तिक २०७७, शुक्रबार
बैतडीके खोड्पेमे बस दुर्घटना, ९ जानेक ज्यान गैल

पहुरा समाचारदाता
धनगढी, २८ कार्तिक ।
दार्चुलाके गन्नासे महेन्द्रनगर अइटी रहल ना ५ ख ५१४१ नम्बरके बस दुर्घटना हुके नौ जानेक ज्यान गैल बा, कलेसे ३४ जाने घाहिल हुइल बाटै । जिल्ला प्रहरी कार्यालय बैतडीके अन्सार बैतडीके पाटन नगरपालिका–८ खोड्पे बजार लग्गे बिफेक रात करिब साढे १० बजेओर यात्रुबाहक दुर्घटना हुइल हो । साँझ पाँच बजेओर दार्चुलाके गन्नासे महेन्द्रनगरके लाग नेंगल बस खोड्पेमे सडकसे करिब पाँच सय मिटर टरे गिरल जनागिल बा ।

दुर्घटनामे परके आठ जानेक घटनास्थलमे ओ एक जानेक उपचारके क्रममे डडेल्धुरा अस्पतालमे ज्यान गैल हो । एसएसपी मुकेशकुमार सिंहके अन्सार मृतक मन्से एक जाने प्रहरी जवान रणबहादुर चन्द रहल बाटै । बैतडी घर रहल उहाँ दाङके हापुरे इलाका प्रहरी कार्यालयमे कार्यरत रहिट । उहाँक परिचयपत्रके आधारमे पहिचान खुलल एसएसपी सिंह बटैलै ।

घाहिलहुकने डडेलधुरा अस्पतालमे उपचार हुइटी रहल बा । घाहिल मन्से सात जानेक अवस्था गम्भीर रहल एसएसपी सिंह जानकारी डेलै । ओइनहे ठप उपचारके लाग सेती प्रादेशिक अस्पताल धनगढी रिफर करल बा । जिल्ला प्रहरी कार्यालय बैतडी मातहत प्रहरी चौकीसे प्रहरी सहायक निरिक्षक दशरथ भट्टराईके कमाण्डमे ७ जाने ओ ईलाका प्रहरी कार्यालय पाटन बैतडीसे प्रहरी निरीक्षक धनदेव साउदके कमाण्डमे १० जानेक टोली खटके उद्धार कार्यमे लागल बा ।

उ दुर्घटनामे ज्यान गुमाइलमे जिल्ला दार्चुला मालिकार्जुन गा.पा. डाडाकोट बैठना जगन्नाथ ओझा (शिक्षक), जिल्ला बैतडी दोगडाकेदार गा.पा. ६ सित्तड बैठना कपिन्द्र प्रसाद जोशी (दोगडाकेदार गा.पा. कर्मचारी), जिल्ला दार्चुला खरकडा बैठना तर्कराज गिरी, जिल्ला बैतडी दोगडाकेदार गापा ६ बैठना रण ब. चन्द(प्रहरी जवान), जिल्ला कंचनपुर भिमदत्त नपा १० बैठना बिज्ना देवी धामी, जिल्ला कैलाली धउनपा १४ फुलबारी बैठना नरेन्द्र चौधरी, जिल्ला कैलाली धउनपा १४ आदर्शटोल बैठना रिसी राम चौधरीके सनाखत हुइल जिल्ला प्रहरी कार्यालय बैतडी मातहत प्रहरी चौकी खोडपे जनैले बा । ओस्टेक जिल्ला कञ्चनपुर भिनपा ८ तिलाचौर बैठना बर्ष १५ के कृतिका कार्की डडेल्धुरा अस्पताल डडेल्धुरामे उपचारके क्रममे मृत्यु हुइल ओ जिल्ला बैतडी दोगडाकेदार गापा ६ सित्तड बैठना वर्ष २७ के करन सिंह ऐडीके उद्धार करके पो.मा.के लाग जिल्ला अस्पताल बैतडी पठाइल जनाइल बा ।

ओस्टेक घाहिलहुइलमे उ दुर्घटनामे बैतडी दोगडाकेदार–७ के २८ वर्षिय चालक तथा साहु वीरेन्द्र कार्की, कञ्चनपुर बेलौरी–७ के २४ वर्षिया बिमला कुँवर ओ हुकान छावा २ वर्षिय नितेश कुँवर, कञ्चनपुर भीमदत्त–६ के २४ वर्षिया दीपा चन्द, बैतडी दोगडाकेदारके २२ वर्षिया बिमला बडू (जोशी) ओ हुकान छावा २ वर्षिय सुशांक जोशी, बैतडी डिलासैनी–१ के २० वर्षिय जनक धानुक घाहिल हुइल बाटै ।

अस्टेक, दार्चुला शैल्यशिखर–८ के धनसिंह खत्री, दार्चुला मर्मा–२ के २४ वर्षिया जानकी सिंह, बैतडी डिलासैसी–४ के ३३ वर्षिय लोकेन्द्र बोहरा, अछाम चौरपाटी–४ के २९ वर्षिय अमृत कुमाल, कैलाली गौरीगंगा–११ के २५ वर्षिया वीरेन्द्र चौधरी, कैलाली फूलवारीके २३ वर्षिय लोकेन्द्र बस्नेत, बैतडी पुर्चौडीके २५ वर्षिय सुरज लुहार, कञ्चनपुर भीमदत्त–२ के २५ वर्षिय दशरथ गिरी, कञ्चनपुर शुक्लाफाँटा–६ के ६५ वर्षिया रमादेवी धामी फेन घाहित हुइल बाटी ।

अस्टके, बैतडी दोगडाकेदार–७ के २७ वर्षिय अमृत बिक, शुक्लाफाँटा–६ के ५५ वर्षिय हर्कबहादुर धामी, दार्चुला सिप्टी–४ के पुरन टमटा, काठमाडौंके १९ वर्षिय अजी लामा, धगगढी–१८, फुलबारीके ३५ वर्षिय दिनेश चौधरी, २२ वर्षिय बिसाल घर्ति मगर, काठमाडौं गोकर्णेश्वर–४ के २२ वर्षिय कर्णबहादुर बिष्ट, बैतडी दोगडाकेदार–७ के २२ वर्षिय नितेश भट्ट घाहिल हुइल बाटै । अस्टेक, काठमाडौंके २२ वर्षिया अस्मिता बिष्ट, कञ्चनपुर भीमदत्त–१ के ३५ वर्षिया नरेश पन्त, दार्चुला लेकम–२ के ५९ वर्षिय बलदेव सिंह कार्की, कैलाली गोदावरी–२ के २९ वर्षिय यज्ञराज कठायत, कञ्चनपुर बेलडाँडी–३ के २२ वर्षिय नरेन्द्रसिंह साउँद, कञ्चनपुर भीमदत्त–८ के ३० वर्षिया कल्पना कार्की, ६ वर्षिय कौशल साउँद, कैलाली गोदावरी–३ के वेदप्रकाश धामी, दार्चुला शैल्यशिखर–८ के २७ वर्षिय रमेश खत्री ओ दार्चुला मार्मा–२ के ३ वर्षिया सिम्रन सिंह घाहिल हुइल बाटै ।

बसके चालक गाडी तीव्र गतिमे रहल बेला मोडमे गाडीहे नियन्त्रण करे नाइसेकल प्रहरीसमक्ष बयान डेले बाटै । सुदूरपश्चिम प्रदेश प्रहरी कार्यालयके निमित्त प्रमुख एसएसपी मुकेश कुमार सिंहके अनुसार बसके चालक बैतडीके दोगडाकेदार–७ खोचलेकके वीरेन्द्र कार्की हुइट । मोडमे गाडीके स्ट्येरिङहे कन्ट्रोल करे नइसेक्कके दुर्घटना हुइल कार्कीके कहाई बा ।

दुर्घटनामो चालक कार्की समेत बेहोस हइल रहिट । ‘होस खुललपाछे घटनास्थलमे चित्कार केल रहे,’ कार्की प्रहरीसमक्ष कहले रहिट, ‘बचाउ बचाउ कहटी रुइल आवाज केल सुनल रहिट ।’
कार्की बसके साहु ओ चालक दुनु हुइट । बस दुर्घटनामे कार्की समेत घाहिल ओ उहाँक डडेल्धुरा अस्पतालमे उपचार हुइटी रहल एसएसपी सिंह बटैलै । क्षमतासे ढेर यात्रु बोकल बसके चालक निदाइल ओरसे दुर्घटनामे परल दुर्घटनामे घाहिल हुइल यात्रुहुकनके कहाई बा ।

जनाअवजको टिप्पणीहरू