किरण नेपालसे डगरा सरसफाई

पहुरा समाचारदाता
हसुलिया, २८ कार्तिक । कैलाली एकीकृत उत्थान कार्य सञ्जाल (किरण नेपाल) कैलालीके अगुवाईमे गाउँघरके डगरा सरसफाई करल बा । डेवारीके अवसरमे कैलारी गाउँपालिका वडा नं ३ भर्री गाउँके घरअंगना तथा डगरा सरसफाई करल हो ।

सरसफाई कैनाके साथे संस्थासे गाउँघरके नागरिकहुक्रनहे कोभिड–१९, से बचक लाग टमान जनचेतनामूलक नारासे जानकारी कराइल रहे । कलेसे संस्था ‘सामाजिक दुरी कायम करी, मास्क लगाके कोरोनासे बची, सडक घर अंगना सफा करी स्वच्छ वातावरण ओ जिवनहे स्वस्थ बनाई ।’ कना नारा सहितके व्यानर लेके गाउँघरके डगरा कैना अभियानमे जुटल रहे ।

संस्थाके आयोजनामे हुइल सरसफाईके समन्वय उत्तर भड्री गाउँसमाज ओ योंग ब्वाइज क्लब करल रहे । कार्यक्रममे भर्री गाउँके टमान टोलके महिला, समाजके अगुवा, क्लबके अध्यक्ष, भलमन्सा लगायनके सहभागिता रहल संस्थाके सदस्य दिनेश चौधरी जानकारी डेलै । २५० जनहनके सहभागितामे ६ ठो टोल, पुरा दक्षिणभड्रीके सीमानासम सरसफाइ कैगिल उहाँ बटैलै ।