यौन तथा लैङ्गिकतामे आधारित हिंसा ओ यकर रोकथाम सम्बन्धी क्षमता विकास तालिम

इस्मिता कुश्मी
जोशीपुर, २८ कार्तिक । यौन तथा लैङ्गिकतामे आधारित हिंसा ओ यकर रोकथाम सम्बन्धी क्षमता विकास तालिम हुइल बा ।

दिगो विकास समाज भजनी कैलालीके आयोजना तथा अष्ट्रेलियन एड, अष्ट्रेलियन लुथरन वल्र्ड सर्भिस ओ ड लुथरन विश्व फेडरेशन नेपालके सहयोगमे यिहे कार्तिक २६ से २८ गतेसम तालिमके आयोजना कैगिल रहे ।

उपेक्षित जनविकासके लाग उपेक्षितसे पहल करी कना नाराके साथ हुइल तालिमके सहजीकरण तथा प्रशिक्षक महिला मानवअधिकारवादी गोमा आचार्य डेहल रहिट ।

जानकी गाउँपालिका–४ के मेलमिलाप बचत तथा ऋण सहकारी संस्था लिमिटेडमे हुइल तालिममे २७ जानेक सहभागिता रहल रहे । ग्रामीण महिला सशक्तीकरण तथा अधिकार प्रवद्र्धन परियोजना अन्र्तगत हुइल तालिमके समापन कार्यक्रम दिगो विकास समाजके अध्यक्ष रामबहादुर सुनारके अध्यक्षतामे हुइल रहे । कार्यक्रममे दिगो विकास समाजके परियोजना सहायक सीताराम चौधरी, डब्लुएचआरडीके सावित्री कठरिया लगायतके उपस्थिति रहे ।