जसपा यूवा संघके नगर अध्यक्षमे ऐर
पहुरा समाचारदाता
धनगढी, ४ अगहन । जनता समाजवादी पार्टी कैलालीके पार्टी प्रवेश, सदस्य वितरण ओ जनता समाजपादीके धनगढी उपमहानगरपालिका स्तरीय यूवा संघके तदर्थ समिति गठन करल बा ।
बुधके रोज धनगढीमे हुइल एक भेलासे कबिन्द्र ऐरके अध्यक्षतामे २७ सदस्यीय नगरपालिका स्तरीय यूवा संघके तदर्थ समिति गठन करल हो ।
समितिके सह–अध्यक्ष तथा इन्चार्जमे निर शाही रहल बाटै । ओस्टेक उपाध्यक्षमे क्रिस जैरु, विपि सिंह, मनिषा नेपाली रहल बाटै । समितिके कोषाध्यक्षमे सिता विक, सचिवमे सइद कुरैसी, सह–सचिवमे दिपिका परियार रहल बाटै । उ कार्यक्रममे करिव ४ सय जाने पार्टी प्रवेश करुइयाहुकनके सदस्यता वितरण करल बा ।
जनता समाजवादी पार्टीके केन्द्रीय सदस्य तथा सुदूरपश्चिम प्रदेश सभा सभा सदस्य मालामति रानाके वडका पहुनामे हुइल कार्यक्रममे विशिष्ट पहुना पार्टीके केन्द्रीय सदस्य तथा सुदूरपश्चिम प्रदेशसभा सभा सदस्य कृष्णबहादुर चौधरी, पार्टीके केन्द्रीय सदस्य तथा सविधान सभा सदस्य कृष्णकुमार चौधरी रहल रहिट ।
कार्यक्रमके पहुनामे पार्टीके केन्द्रीय सदस्य फोनीराम चौधरी, संघीय परिषद सदस्य नेपाल सुकुम्बासी व्यवस्थापन संघ केन्द्रीय वरिष्ठ उपाध्यक्ष अभिषेक सिंह(गुरु), पूर्व केन्द्रीय सदस्य मुनेन्द्र सिंह, पूर्व केन्द्रीय सल्लाहकार डम्बरबहादुर रावल, केन्द्रीय सदस्य सुनिता चौधरी, प्रदेश सदस्य सुरेन्द्र यादव, विनोद चन्द, युवा संघके कार्यवाहक अध्यक्ष गोविन्द गुप्ता, पार्टीके युवा संगठन जिल्ला अध्यक्ष सरोज जोशी लगायत रहिट ।
पूर्व क्षेत्रीय सभापति गोविन्दराज रानाके अध्यक्षतामे हुइल कार्यक्रमके संचालन पार्टीके जिल्ला अध्यक्ष गया प्रसाद कुश्मी करले रहिट ।
