लोहरपुरमे सडक कालोपत्रेके काम सुरु

पहुरा समाचारदाता
हसुलिया, ४ अगहन । कैलालीके कैलारी गाउँपालिका–८ लोहरपुरमे सडक कालोपत्रेके कार्य सुरु हुइल बा ।

कैलारी गाउँपालिकाके अध्यक्ष लाजुराम चौधरीके उपस्थितिमे सडक कालोपत्रेके काम सुरु करल हो । उ सडक सडकपुर ओ नवलपुरहे जोरना करल जनाइल बा ।

दुई करोडसे ढेर रुप्या लगानीमे सडक कालोपत्रेके काम सुरु हुइल वडा अध्यक्ष दुःखीराम कठरिया जानकारी डेलै ।

ठेकेदार मणिराज रेग्मी टेन्डर प्राप्त करके सडक कालोपत्रेके काम करटी रहल जनाइल बा । एक किलोमिटर ८०० मिटरसम सडक कालोपत्रे हुइना अध्यक्ष कठरिया जानकारी डेलै ।