थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १८ अगहन २६४३, बिफे ]
[ वि.सं १८ मंसिर २०७७, बिहीबार ]
[ 03 Dec 2020, Thursday ]

मलके लाग कृषि मन्त्रालयसे साल्ट ट्रेडिङहे १ करोड अनुदान

पहुरा | ५ मंसिर २०७७, शुक्रबार
  • 41
  •  
  •  
  •  
  •  
  •  
  •  
  •  
    41
    Shares
मलके लाग कृषि मन्त्रालयसे साल्ट ट्रेडिङहे १ करोड अनुदान

पहुरा समाचारदाता
धनगढी, ५ अगहन ।
सुदूरपश्चिम प्रदेश भूमि व्यवस्था, कृषि तथा सहकारी मन्त्रालय साल्ट ट्रेडिङ कर्पोरेसन लिमिटेडहे मलके लाग १ करोड रकम अनुदान डेना हुइल बा ।

मन्त्रालयसे एमोनियम सल्फेट, सिङ्गल सुपर फस्फेटमे सहुलियत दरमे बिक्रीके लाग बिफेक रोज १ करोड रकम उपलब्ध करैना सम्झौता करल हो । यिहीसे सुदूरपश्चिमके किसान साल्ट ट्रेडिङ कर्पोरेसन लिमिटेडसे बिक्रिबितरण हुइटी आइल मल आब सहुलियत दरमे पैना हुइल बाटै ।

भूमि व्यवस्था, कृषि तथा सहकारी मन्त्री विनीता चौधरी उपस्थितिमे मन्त्रालयके सचिव किसन लाल भट्ट ओ कर्पोरेसनके नायब महाप्रबन्धक केशव प्रसाद पाण्डे उक्त सम्झौता पत्रमे हस्ताक्षर करल रहिट । एमोनियम सल्फेट प्रति ५० किलोके बोरामे ४२६ रुपैयाँ अनुदान डेजैना बा ।

यिहीसे आघे १४२६ रुपैयाँमे बिक्री कैटी आइल उक्त मल अब १ हजार रुपैयाँमे बिक्री करजैना कर्पोरेसनके नायब महाप्रबन्धक पाण्डे बटैलै । सिङ्गल सुपर फस्फेट यिहीसे आघे ११६६ मे बिक्री करटी आइलमे आब ९२० कायम करल बा कलेसे सिङ्गल सुपर फस्फेट जिंक सहित प्रतिबोरा ९०० कायम करल कर्पोरेसनके नायब महाप्रबन्धक पाण्डे जानकारी डेलै ।

आब युरियाके विकल्पमे एमोनियम सल्फेट ओ डिएपीके विकल्पमे सिङ्गल सुपर फस्फेट प्रयोग करे सेकजैना हुइल ओरसे प्रदेशमे मल अभाव कम होके यिहीसे कृषि उत्पादन समेत बर्हना नायब महाप्रबन्धक पाण्डे बटैलै ।

साल्ट ट्रेडिङ आपन सहकारी मार्फत सुदूरपश्चिममे मल बिक्री वितरण करटी आइल बा । चालु आर्थिक बरसके चार महिनाके अवधिमे ३ हजार ४६५ मेट्रिक टन मल बिक्री हुइल फेन उहाँ जानकारी डेलै ।

  • 41
    Shares

जनाअवजको टिप्पणीहरू