थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १८ अगहन २६४३, बिफे ]
[ वि.सं १८ मंसिर २०७७, बिहीबार ]
[ 03 Dec 2020, Thursday ]

कैलाली भन्सारसे ८ करोड ढिउर राजस्व संकलन

पहुरा | ६ मंसिर २०७७, शनिबार
  • 16
  •  
  •  
  •  
  •  
  •  
  •  
  •  
    16
    Shares
कैलाली भन्सारसे ८ करोड ढिउर राजस्व संकलन

पहुरा समाचारदाता
धनगढी, ६ अगहन ।
सुदूरपश्चिम प्रदेशके प्रमुख भन्सार नाका कैलाली भन्सार कार्यालयसे चालू आवके पहिल चौमासिकमे ८ करोड ढिउर राजस्व संकलन करले बा ।

उ अवधिमे भन्सारके राजस्व संकलनके लक्ष्य २ अर्ब ४९ करोड रहलमे २ अर्ब ५७ करोड असुली हुइल कैलाली भन्सार कार्यालय जानकारी डेले बा । भन्सार विभागसे कार्यालयहे चालू आर्थिक बरसके लाग ७ अर्ब ८७ करोड राजस्व संकलनके लक्ष्य तोक्ले बा ।

यिहे अनुपातमे राजस्व असुली हुइलेसे वार्षिक लक्ष्यसे ढिउर राजस्व संकलन हुइना अनुमान करल कार्यालयके सूचना अधिकारी डिल्लुप्रसाद शर्मा बटैलै । ओहकान अनुसार गत आवके प्रथम चौमासिकसे चालू आर्थिक बरसके उहे अवधिमे उ भन्सारसे ४५ प्रतिशत ढिउर आयात हुइल बा ।
यी भन्सारसे पेट्रोलियम पदार्थ, खाद्य वस्तु, मेशिनरी औजार लगायत ढिउर आयात हुइटी रहल बावै ।

कैलाली भन्सार नाकासे चालू आवके साउन ओ भदौमे किल साढे ३ अर्बके व्यापार घाटा हुइल बा । यी दुई महीनाके अवधिमे ३ अर्ब ५४ करोड ५२ लाख रुपैयाँ व्यापार घाटा हुइल कार्यालयके तथ्यांकमे रहल बा ।

भन्सार कार्यालय कैलालीसे मुख्य कैके त्रिनगर भन्सार नाका, कैलालीके रतनपुर ओ कञ्चनपुरके बेलौरीसमके सीमानाकासे हुइना आयात निर्यात हेर्ना करल बा ।

भन्सार अधिकृत शर्माके अनुसार लकडाउनपाछे बजार खुलल् ओरसे आयात बर्हल बा । असारसे आयात बर्हल उहाँ बटैलै । ओस्टके प्रथम चौमासिकसमे ४ अर्बसे ढिउर व्यापार घाटा हुइल बटाइल बा ।

  • 16
    Shares

जनाअवजको टिप्पणीहरू