थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १८ अगहन २६४३, बिफे ]
[ वि.सं १८ मंसिर २०७७, बिहीबार ]
[ 03 Dec 2020, Thursday ]

सुदूरपश्चिम प्रदेशमे कोरोनासे ३६ के ज्यान गैल, सक्रिय संक्रमित १ हजारसे ढेर

पहुरा | ६ मंसिर २०७७, शनिबार
  • 8
  •  
  •  
  •  
  •  
  •  
  •  
  •  
    8
    Shares
सुदूरपश्चिम प्रदेशमे कोरोनासे ३६ के ज्यान गैल, सक्रिय संक्रमित १ हजारसे ढेर

पहुरा समाचारदाता
धनगढी, ६ अगहन ।
सुदूरपश्चिम प्रदेशमे कोरोनाभाइरस संक्रमणसे मृत्यु हुउइयाके संख्या ३६ पुगल बा ।

सेती प्रादेशिक अस्पतालमे धनगढी उपमहानगरपालिका ५ बैठुइया ५५ वर्षीय पुरुषके मृत्यु हुइलसंगे प्रदेशमे मृतकके संख्या ३६ पुगल हो । उहाँहे कात्तिक २५ गतेसे भेन्टिलेटरमे राखके उपचार हुइटी रहलमे शुकके मृत्य हुइल सेती प्रादेशिक अस्पतालके सूचना अधिकारी दिलिप कुमार श्रेष्ठ जानकारी डेलै ।

यिहीसे आघे अछाममे २, बैतडीमे १, बझाङ्गमे ३, बाजुरामे २, डडेल्धुरामे २, दार्चुलामे २, डोटीमे १, कैलाली १८ ओ कञ्चनपुर ४ जनहनके कोरोना संक्रमितके मृत्यु होसेकल सामाजिक विकास मन्त्रालयके स्वास्थ्य महाशाखा प्रमुख नरेन्द्र सिंह कार्की जानकारी डेलै । ओस्टके बितल २४ घण्टामे टमान ल्याबमे करल परीक्षणमे थप ६५ जनहनहे कोरोना संक्रमण पुष्टि हुइलपाछे सकृय संक्रमितके संख्या १ हजार ७७२ पुगल बा ।

कैलालीके ३८, बैतडीके ३, बाजुराके १, डडेल्धुराके ५, दार्चुलाके १७ ओ डोटीके १ जनहनमे संक्रमण पुष्टि हुइल सामाजिक विकास मन्त्रालय जनैले बा ।

कार्कीके अनुसार हालसम १ लाख १४ हजार ६३४ नमुना जाँच हुइलमे १० हजार ६६९ जनहनमे संक्रमण फेला परल बा । उ मध्ये प्रदेशमे ठीक हुउइया संक्रमितके संख्या ८ हजार ८६१ रहल बा ।

  • 8
    Shares

जनाअवजको टिप्पणीहरू