थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

सुदूरपश्चिममे १० हजार ७३१ सक्रमित पुग्लै

पहुरा | ७ मंसिर २०७७, आईतवार
सुदूरपश्चिममे १० हजार ७३१ सक्रमित पुग्लै

सक्रिय संक्रमित १८२०, कोरोना जिटके ८८७५ घर लौटलै, मृतकके संख्या ३६पुगल

पहुरा समाचारदाता
धनगढी, ७ अगहन ।
सुदूरपश्चिम प्रदेशमे कोरोना भाइरस संक्रमितके संख्या १० हजार ७ हजार ३१ पुगल बाटै ।

सुदूरपश्चिम प्रदेश सामाजिक विकास मन्त्रालय प्रशासन तथा योजना अनुगमन शाखासे डेहल जानकारी अन्सार शनिच्चरसम १ लाख १५ हजार १५१ जानेक नमूना जाँच करेबेर १० हजार ७३१ जानेक रिपोर्ट पोजेटिभ विल्गाइल हो । सुदूरपश्चिम प्रदेशमे कुल १ लाख १५ हजार ९१८ नमूना संकलन हुइलमे अभिन ७ सय ५९ नमूनाके नतिजा अइना बाँकी बा ।

सुदूरपश्चिम प्रदेशमे शनिच्चरसम ३६ जाने कोरोना भाइरस संक्रमितके ज्यान गैल बा, कलेसे सक्रिय संक्रमितके संख्या १८ सय २० पुगल बा । जेम्ने कैलालीके सबसे ढेर ७८२, दार्चुलामे २३०, बझाङमे २२९, डोटीमे १४६, कञ्चनपुरमे १०४, डडेल्धुरामे १२५, अछाममे ६७, बैतडीमे ४६, बाजुरामे २१, अन्यमे २४ करके १८ सय २० जाने सक्रिय संक्रमित रहल बाटै । ओस्टेक शनिच्चरके रोज सुदूरपश्चिम प्रदेशमे ठप ६४ जाने कोरोना भाइरसके संक्रमित ठपल बाटै ।

देशभर २४ हजार सक्रिय संक्रमित

नेपालमे कोरोनाभाइरस संक्रमण ठिक हुइलके संख्या बह्रटी गैल बा । शनिच्चरसम १ लाख ९३ हजार ३२५ जाने कोरोनाभाइरसस संक्रमणमुक्त हुइल बाटै । हालसम २ लाख १८ हजार ६३९ जनहनमे संक्रमण पुष्टि हुइलमे उ संख्यामे ठिक हुइल हुइट ।

स्वास्थ्य तथा जनसंख्या मन्त्रालयके अन्सार हाल देशभर २४ हजार ९ जाने सक्रिय संक्रमित रहल बाटै । पछिल्का समय सक्रिय संक्रमितके संख्या घटटी गैल हो । मन्त्रालयके तथ्यांकअनुसार संक्रमणमुक्त हुइना दर ८८.४ प्रतिशत रहल बा ।

बिटल २४ घण्टामे देशभर ६६१ पुरुष ओ १०१३ महिलासहित १६७४ जनहनमे संक्रमण पुष्टि हुइल बा कलेसे ठिक हुइलके संख्या २३२३ रहल बा । ओस्टेक पछिल्का २४ घण्टामे ठप ७ जानेक मृत्यु हुइलसंगे मृतकके संख्या १३०५ पुगल बा । पछिल्का २४ घण्टामे ८ हजार १४४ जानेक पीसीआर परीक्षण हुइलसंगे कुल परीक्षण १६ लाख ५२ हजार ४३ पुगल बा ।

जनाअवजको टिप्पणीहरू