थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०१ भादौ २६४६, बुध ]
[ वि.सं १ भाद्र २०७९, बुधबार ]
[ 17 Aug 2022, Wednesday ]

सरकार बिरुद्ध राजनीतिक संगठनसे प्रदर्शन

पहुरा | ७ मंसिर २०७७, आईतवार
सरकार बिरुद्ध राजनीतिक संगठनसे प्रदर्शन

पहुरा समाचारदाता
धनगढी, ७ अगहन ।
धनगढीमे सरकार बिरुद्ध राजनितिक संगठनसे प्रदर्शन करले बाटै । एमसीसी पारित कैना षड्यन्त्र हुइटी रहल कहटी टमान २२ संगठन बिरोध प्रदर्शन करल हुइट ।

कौनोफे हालतमे एमसिसि खारेज करे पर्ना ओ मिचल नेपालीभूमी फिर्ता हुई पर्ना ओइनके माग बा । एमसिसि खारेज, लिपुलेक, लिम्पीयाधुरा, कालापानी हमार हो । भारतीय सेना कालापानी छोड, भष्टचार, महगी, कालोबजारी नियन्त्रण कर लगायतके नारा लगैटी अँटवार २२ राजनीतिक संगठनसे सरकारविरुद्ध विरोध धनगढीमे प्रदर्शन करल हुइट ।

एमसिसि राष्ट्रके हितमे नइरहल कहटी अपने बार–बार सरकारहे दवाव डेलेसेफे सरकार एमसिसि पास कैना तयारीमे रहल ओरसे एमसिसि खारेजके माग करटी आन्दोलनमे करल राष्टिय जनमोर्चा कैलालीके सचिव जगतप्रसाद जोशी बटैलै । मुलुक कोरोना महामारीके बेलाफे सरकारसे जनताप्रति उतरदायी नइहुइल राष्ट्रिय जनमोर्चाके प्रदेश सयोजक नन्दराज भट्ट बटैलै । सरकार भ्रष्टचारमे लिपत हुइल उहाँ आरोप लगैलै ।

राष्ट्रिय जनमोर्चाके केन्द्रीय सदस्य मनोज भट्ट सरकारसे एमसिसि पास करे लाग ओ कालापानी लगायत कोरोना उपचार खर्र्च लेहे लागल ओरसे अपनेहुक्रे विरोध प्रदर्शन करल बटैलै ।

अपनेहुकनके माग सम्बोध नइहुइटसम चरणबद रुपमे आन्दोलन कैना उहाँक कहाई बा । धनगढीके पार्कमोडसे सुरु हुइल ¥याली चौराहामे कोण सभा करल रहे । १० दलके सयुक्त विरोध कार्यक्रममे कैलाली कञ्चनपुरके सगठनके सहभागिता रहल रहे ।

जनाअवजको टिप्पणीहरू