थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ माघ २६४३, शनिच्चर ]
[ वि.सं ३ माघ २०७७, शनिबार ]
[ 16 Jan 2021, Saturday ]

प्रादेशिक अस्पतालमे सेवा सुधार हुइटी

पहुरा | १७ मंसिर २०७७, बुधबार
  •  
  •  
  •  
  •  
  •  
  •  
  •  
  •  
प्रादेशिक अस्पतालमे सेवा सुधार हुइटी

पहुरा समाचारदाता
धनगढी, १७ अगहन ।
प्रदेश सरकारमातहत आइलपाछे सेवामे ढिउर सुधार हुइलेसे फेन सेती प्रादेशिक अस्पतालमे विशेष चिकित्सकके अभाव भर कायमे रहल बा ।

प्रदेशके एकठो किल ‘रेफरल’ अस्पतालके रूपमे रहल सेतीमे मुटु रोग, मानसिक रोग ओ स्नायु रोग विशेषज्ञके दरबन्दी बर्सौसे रिक्त रहल बा । मानसिक रोग विशेषज्ञके दरबन्दी करिब चार बरससे रिक्त बा कलेसे मुटु रोग ओ स्नायु रोग विशेषज्ञ स्थापनाकालसे नै रिक्त रहल अस्पताल प्रशासन जनैले बा ।

सिटिस्क्यान नाइ होके बिरामीहे समस्या भोगे परल बा । अस्पतालमे पाँच शैय्याके आइसियू ओ १० शैयामे भेन्टिलेटरके सुविधा रहल बा । सरकारसे स्वीकृत ५० शैया ओ अस्पताल विकास समितिके ओरसे ७५ कैके एक सय २५ शैयाके अनुमति रलेसे फेन हालसम दुई सय ४४ शैयाके सेवा अस्पतालसे डेटी रहल सूचना अधिकारी दिलीपकुमार श्रेष्ठ बटैलै ।
सेवाग्राहीके चाप बर्हटी गैलेसे फेन बर्सौसे पुरान दरबन्दी नाइ कैके रहल दरबन्दीसमेत पूर्ति करल नाइहो ।

अस्पताल विकास समितिसे चिकित्सकीय जनशक्ति थप कैके अस्पतालसे सेवा डेटी रहल अध्यक्ष दुर्गाप्रसाद जोशी बटैलै । रिक्त विशेषज्ञ समितिके ओरसे पूर्तिके लाग प्रक्रिया आघे बर्हल समेत उहाँ बटैलै । तत्कालके लाग अत्यावश्यक रहल सिटिस्क्यान मेसिन खरिदके लाग सम्झौता होसेकल ओ पाँच महिनाभित्रे ओकर आपूर्ति हुइना सूचना अधिकारी श्रेष्ठ बटैलै ।
प्रदेशके अन्य अस्पतालके तुलनामे सेवा सुविधा रहल सेती ‘रेफरल’ अस्पतालके रूपमे रहल बा । दैनिक पाँच सयसे ढिउर सेवाग्राही अस्पतालसे सेवा लेना करल बाटै ।

जनाअवजको टिप्पणीहरू