देउवा, दाहाल ओ यादवसे संयुक्त वक्तव्य जारी : धारा ७६ के उपधारा २ अनुसार सरकार गठन प्रक्रिया आरम्भ करना राष्ट्रपतिहे आग्रह
पहुरा |
२७ बैशाख २०७८, सोमबार
काठमाडौं, २७ वैशाख । प्रधानमन्त्री केपी शर्मा ओली संसद्मे विश्वासके मत पैना असफल हुइलपाछे विपक्षी तीन दलके नेता संविधानके धारा ७६ के उपधारा २ बमोजिम नयाँ सरकार गठक प्रक्रिया प्रारम्भ कना राष्ट्रपतिहे आह्वान करले बाटैं ।
काँग्रेस सभापति शेरबहादुर देउवा, माओवादी अध्यक्ष पुष्पकमल दाहाल ओ जसपा अध्यक्ष उपेन्द्र यादव संयुक्त विज्ञप्ति जारी करटी अइसिन आह्वान करल हुइट ।
संविधानके धारा ७६ के उपधारा २ (१) बमोजिम प्रतिनिधि सभामे कौनो फेन दलके स्पष्ट बहुमत नैरहल अवस्थामे प्रतिनिधि सभामे प्रतिनिधित्व करना दुई वा दुई से ढेर दलके समर्थनमे बहुमत प्राप्त करे सेक्ना प्रतिनिधि सभाके सदस्यहे राष्ट्रपतिसे प्रधानमन्त्री नियुक्त करना व्यवस्था बा ।
सम्बन्धित समाचार
