कैलालीमे थप २ सय १९ जाने संक्रमित, ३ के मृत्यु

धनगढी, ३० वैशाख । कैलालीमे बिटल २४ घण्टामे २ सय १९ जहनमे कोरोना संक्रमण पुष्टि हुइल बा । सेती प्रादेशिक अस्पतालके प्रयोगशालामे ७ सय ७६ जहनके परिक्षण करेबेर कैलालीके २१९ जहनमे संक्रमण पुष्टि हुइल हो ।

परिक्षणमे धनगढीमे १ सय १८ जहनमे संक्रमण पुष्टि हुइल सेती अस्पतालके सूचना अधिकारी दिलिपकुमार श्रेष्ठ जानकारी डेलैं । कैलालीके अन्य स्थानीय तहमे १ सय १ जाने संक्रमित हुइल बाटैं ।

कैलाली बाहेकके प्रदेशके अन्य जिल्लामे ५१ जहनमे संक्रमण पुष्टि हुइल बा । अब्बे अस्थायी कोरोना अस्पतालमे ६७ जानेक उपचार हुइटा ।

५ जानेक भेन्टिलेटरमे ओ २० जहनके आइसियुमे उपचार हुइटा । अस्टेक गैल २४ घन्टामे ३ जाने संक्रमितके मृत्यु हुइल अस्पताल जनैले बा ।