भोटेकोशी बाढ प्रभावित नागरिकहे सम्पर्क कैना मन्त्री गीता चौधरीसे आग्रह

पहुरा समाचारदाता
धनगढी, २५ भदौ । कृषि, वन तथा वातावरण मन्त्री गीता चौधरी भोटेकोशीमे आइल बाढके कारण समस्यामे परल अपन समुदायकेसहित पश्चिम नेपालके नागरिकहे अपन सचिवालयमार्फत सम्पर्क कैना आग्रह करले बटी ।

आवश्यक सहयोग ओ समन्वयके लाग मन्त्रीसे सचिवालयमार्फत सम्पर्क कैना आग्रह करल हुइट । उहाँ बाढके कारण कौनोफे मेरके समस्या वा अप्ठ्यारोमे परल व्यक्ति, परिवार वा प्रतिनिधिसे उद्धार, राहत तथा अन्य आवश्यक सहयोगके लाग आपन सचिवालयमे सम्पर्क कैना आग्रह करल बटी ।

प्रभावित नागरिकसे ९७१३४७२७०५ नम्बरमे सम्पर्क करे सेक्ना मन्त्रीके सचिवालय जनैले बा । प्रभावितहुकनके समस्या तत्काल सम्बोधन कैना तथा आवश्यक राहत ओ उद्धारके लाग समन्वय कैना सचिवालयसे सम्पर्क नम्बर सार्वजनिक करल हो । रोजगारीके सिलसिलामे रसुवा, नुवाकोट लगायतके प्रभावित जिल्ला पुगल पश्चिम नेपालके टमान नागरिक भदौ १० गतेके भोटेकोशी बाढपाछे अभिन सम्पर्कविहीन रहल बटै ।