धनगढी ५ सहित कैलालीके ८ जहनमे संक्रमण पुष्टि

धनगढी, ३ असार । सेती प्रादेशिक अस्पतालके प्रयोगशालामे करल परीक्षणमे बिफके रोज १३ जहनमे कोरोना भाइरसके संक्रमण पुष्टि हुइल बा । बिटल २४ घण्टामे सेती प्रादेशिक अस्पतालके प्रयोगशालामे ११३ नमूना परीक्षण करलमे १३ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

उहाँक अनुसार धनगढीके ५ जाने अस्टेक धनगढीबाहेक कैलालीके ३ जाने ओ अन्य जिल्लाके ५ जहनमे संक्रमण पुष्टि हुइल जनाइल बा । हाल अस्पतालमे १८ जाने कोरोना संक्रमितके उपचार हुइटी बा ।

जोनमध्ये १ जाने भेन्टिलेटर ११ जाने आइसियूमे, ५ जाने अक्सिजन सपोर्टमे उपचाररत बटैं कलेसे २ जहनके अवस्था सामान्य रहल जनैले बा ।

पाछेक २४ घण्टामे सेती अस्पतालमे ३ जाने कोरोनामुक्त हुके घर लौटल बटैं कलेसे ९ जाने अस्पताल भर्ना हुइल सूचना अधिकारी दिलिपकुमार श्रेष्ठ जानकारी डेलैं । पछिल्का २४ घण्टामे अस्पतामे केक्रो फेन मृत्यु नैहुइल अस्पताल जनैले बा ।