फरार पाँच प्रतिवादी पक्राउ
पहुरा समाचारदाता
धनगढी, १६ बसार । फैसला कार्यान्वयनके सिलसिलामे जिल्ला अदालत कैलालीके टमान मितिके फैसलासे कैद सजाय तथा जरिवाना ठहर हुके फरार रहल तीन जाने पक्राउ परल बटै ।
चेक अनदार मुद्दामे २ बर्ष कैद सजाय तोकल धनगढी उ.म.न.पा.५ बैठना बर्ष ५८ के महेश सिंह धामी ओ उहे मुद्दामे २ बर्ष कैद सजाय तोकल धनगढी उ.म.न.पा.२ बैठना बर्ष ५२ के भुपेन्द्र सिंह धामीहे जिल्ला प्रहरी कार्यालय कैलाली मातहत कार्यालयसे खटल प्रहरीसे पक्राउ करल हो ।
वैङ्किङ कसुर मुद्दामे १ महिना कैद सजाय ओ रु. ७३ हजार जरिवाना तोकल बझाङ, बित्थडचिर गा.पा. ७ बैठना बर्ष ४७ के रघुनाथ जोशीहे पक्राउ कैगिल बा ।
ओस्टे फैसला कार्यान्वयनके सिलसिलामे जिल्ला अदालत कञ्चनपुरके २०६९ असार २४ गतेके फैसलासे बन सम्बन्धी कसुर मुद्दामे १ महिना कैद सजाय तोकल जिल्ला कञ्चनपुर, लालझाडी गा.पा.४ देखतभुली बैठना बर्ष ३२ के तिर्थलाल रानाहे जिल्ला प्रहरी कार्यालय कञ्चनपुर समेतसे खटल प्रहरीसे सोम्मार हुकाने घर ठेगानासे पक्राउ करल हो ।
ओस्टे फैसला कार्यान्वयनके सिलसिलामे जिल्ला अदालत अछामके २०८१ फागुन ११ गतेके फैसलासे लागुऔषध खैरो हिरोइन मुद्दामे ९ दिन कैद सजाय तोकल मंगलसेन न.पा.३ बैठना वर्ष ३५ के नृपबहादुर बोगटीहे प्रहरी चौकी मंगलसेन, अछामसे खटल प्रहरीसे सोम्मार उहे न.पा.५ मंगलसेन बजारसे पक्राउ करल हो ।
