थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

नेता साउँदके कारबाही फिर्ता कैना माग

पहुरा | २७ बैशाख २०७९, मंगलवार
नेता साउँदके कारबाही फिर्ता कैना माग

पहुरा समाचारदाता
टीकापुर, २७ वैशाख ।
नेपाली काँग्रेसके पुराना नेता जंगबहादुर साउदहे जिल्ला कार्य समितिसे कारबाही करल विषयमे आपत्ति जनैटी तत्काल कारवाही फिर्ता कैना माग करल बा ।

मंगरके रोज टीकापुरमे पत्रकार सम्मेलन करटी १८ जाने नेताहुक्रे क्रियाशील, इमान्दार कार्यकर्ताहे विना कारण निष्काशन कैना अधिकार नइरहल बटैले बटै ।

पत्रकार सम्मेलनमे बाट रख्टी काँग्रेस कैलाली क्षेत्र नम्बर १ के पूर्वक्षेत्रीय सभापति धिजराज रेग्मी विधानतः स्पष्टीकरणके समेत मौका नइडेके जिल्ला कार्यसमितिसे साउदहे हटैना निर्णय खेदजनक रहल बटैटी पूर्वराज्यमन्त्री सुशीला स्वाँर, पूर्वसांसद गंगाबहादुर कुँवर, पूर्वक्षेत्रीय सभापति धिजराज रेग्मी, पूर्व जिल्ला कार्य समिति सदस्य नवलबहादुर खडका, रघुराज देवकोटा लगायत १६ जाने नेताहुक्रे हस्ताक्षर करल विज्ञप्ती बँटलै ।

पत्रकार सम्मेलनमे पूर्वसांसद गंगाबहादुर कुँवर सुकिला–मुकिलाहे पार्टीमे भित्राके काँग्रेसके कर्मठ कार्यकर्ता जंगबहादुर साउदहे पार्टीसे निष्काशन कैना खेदजनक रहल बटैलै ।

काँग्रेस कैलालीके सचिव हुसेकल साउद तत्कालिन धनसिंहपुर गाविसके अध्यक्ष रहिट । साउँद अपने अघिल्का बार टीकापुर नगरके प्रमुख उठेबेर पार्टीके कुछ नेतासे अन्तर्घात करल कारण पराजित हुइल ओ अन्तर्घात करुइयाहे कारबाहीके माग करटी उल्टे पुरस्कृत हुइल मने अपनहे कारबाही करल बटैलै ।

२०७४ सालके निर्वाचनमे टीकापुर नगरपालिकाके प्रमुखमे उम्मेदवार बनल साउद ५५१४ मत पैले रहिट कलेसे काँग्रेससे उपप्रमुखके उम्मेदवार ६२२६ मत पैले रहिट । काँग्रेसके प्रमुख ओ उपप्रमुखके मतान्तर ७१२ हुके एमालेसे प्रमुखके उम्मेदवार ५९५९ मत विजयी हुइल रहिट । साउद यिहीहे पार्टीभिटरके अन्तर्घातके रुपमे लेले बटै ।

जनाअवजको टिप्पणीहरू