‘ संविधान दिवस २०७९ ’
कहु खुशीयाली, कहु विरोध
पहुरा |
३ आश्विन २०७९, सोमबार
पहुरा समाचारदाता
धनगढी,३ कुवाँर । संविधान दिवस २०७९ सालके अवसरमे कहु दिप प्रज्वलनसहिट टमान करके मनाइल बा । कलेसे कहु करिया दिनके रुपमे मनागिल बा ।
संघ, प्रदेश सरकार ओ स्थानीय तह टमान कार्यक्रमके साथे दिप प्रज्वलन करके सविधान मनाइल हो । एक ओर समानता, न्याय अधिकारके लाग असोज तीन कालो दिन कहटी अपुरो अधुरो संविधान संसोधनके लाग विरोध कार्यक्रमके मनागिल बा ।
थारु कल्याणकारिणी सभा कैलाली, थरुहट÷थारुवान राष्ट्रिय मोर्चा कैलाली, थारु विद्यार्थी समाज कैलाली, मुक्त कमलरी विकास कैलाली ओ नगर स्तरीय बडघर भल्मन्सा समिति लम्कीचुहाके संयूक्त आयोजना विरोध कार्यक्रम कैगिल बा । थरुहट÷थारुवान राष्ट्रिय मोर्चा कैलालीके संयोजक माधव थारु सोम्मरके रोज विरोध ¥याली सहिट विरोध कार्यक्रमके आयोजना संविधान दिवसहे असोज तीन कालो दिनके रुपमे मनाइल बटैलै ।