थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

स्नेह केन्द्र (बालबालिका मैत्री स्थल) संचालन

पहुरा | ५ आश्विन २०७९, बुधबार
स्नेह केन्द्र (बालबालिका मैत्री स्थल) संचालन

पहुरा समाचारदाता
हसुलिया, ५ कुवाँर ।
कैलारी गाउँपालिका ओ भजनी नगरपालिकामे स्नेह केन्द्र (बालबालिका मैत्री स्थल) संचालन हुइल बा ।
बाढ प्रभावित गर्भवती, सुत्केरी महिला, किशोरी, बालबालिका तथा जेष्ठ नागरिकहुकनहे लैङिक हिंसा जोखिम न्यूनिकरणके लाग स्नेह केन्द्र संचालन करल बा ।

तरङगिनी फाउण्डेशन, ओरेक नेपाल, राष्ट्रिय महिला मानव अधिकार रक्षक संजालसे कैलारी गाउँपालिकाके समन्वय तथा केयर नेपाल यूनिसेफके आर्थिक सहयोग स्नेह केन्द्र (बालबालिका मैत्री स्थल) स्थापना हुइल बा । कैलारी गाउँपालिकाके वडा नम्बर ५ ओ वडा नम्बर ७ मे स्नेह केन्द्र स्थापना करल ओरेक नेपालके जिल्ला संयोजक विनु राना बटैली ।

कैलारीमे स्थापना हुइल उ स्नेह केन्द्रके उदघाटन कार्यक्रमके वडका पहुना रहल कैलारी गाउँपालिका उपाध्यक्ष भगवतीकुमारी चौधरीसे कैगिल बा । मंगरके रोज हुइल एकके विच उहाँ स्नेह केन्द्रके उदघाटन करटी विपदके बेला महिला ओ बालबालिका सबसे ढेर प्रभावित ओ हिंसामे परल बटैली ।

राष्ट्रिय महिला मानव अधिकार रक्षक संजालसे जिल्ला अध्यक्ष अम्बिका भण्डारीके अध्यक्षतामे हुइल कार्यक्रममे कैलारी गाउँपालिका–५ के वडा अध्यक्ष विष्णुप्रसाद चौधरी, तरङगिनी फाउण्डेशनके फिल्ड अफिसर सरिता चौधरी, राष्ट्रिय महिला मानव अधिकार रक्षक संजालके जिल्ला सचिव मिना चौधरीलगायत सहभागिता रहे कार्यक्रममे संचालन विनु राना करले रहिट ।

ओस्टेक भजनी नगरपालिका, ओरेक, तरङगिनी फाउण्डेशन ओ राष्ट्रिय महिला मानव अधिकार रक्षक संजालके सयुक्त आयोजना तथा सहकार्यमे भजनी नगरपालिका वडा नम्बर १ मे रहल मधुवनमे स्नेह केन्द्र (बालबालिका मैत्री स्थल) स्थापना कैगिल बा ।

बाढ प्रभावित क्षेत्रके सुत्केरी, गर्भवती, जेष्ठ नागरिक, अपाङता हुइल व्यक्ति, किशोरीहुकनहे लैंगिक हिंसाकके जोखिमसे सुरक्षित राख्नाके साथे बाढ प्रभावितहुकनहे धानबालीके लाग भौतिक तथा मानविय क्षतिसे मानसिक तनाव व्यवस्थापन कैना ओ लैङिक हिंसाके साथे टमान विषयमे अभिमुखीकरण कैना उद्देश्यसे स्नेह केन्द्र संचालन करल ओरेक नेपालके जिल्ला कार्यक्रम अधिकृत गिता चौधरी बटैली ।

यहाँ अब्बे १५ जाने सुत्केरी महिला, १६ ठो बालबालिका बटैं । ओम्ने १५ दिनिक, एक महिने, डेढ बर्षके सुत्केरी ओ अपाङता रहल महिलाफे आश्रय पैले बटै । ओइनके खैनाके व्यवस्था करल बा । अब्बे स्नेह केन्द्रमे बैठुइयाहे सिनेटर प्याड, पोषिलो खाने कुरा, डिग्निटी किट, लुगा कपडाके आवश्यकता रहल ओरसे सहयोगके लागफे सहयोगी सरोकारवाला निकायसंग अनुरोध करल बा ।

स्नेह केन्द्र (बालबालिका मैत्री स्थल) बाढ प्रभावित गर्भवती, सुत्केरी महिला, किशोरी, बालबालिका तथा जेष्ठ नागरिकहुकनहे आवश्यकता अनुसार संचालन हुइना ओरेक नेपाल जनैले बा ।

जनाअवजको टिप्पणीहरू