मिडिया जवाफदेहीताबारे सार्वजनिक संवाद

पहुरा समाचारदाता
धनगढी, ५ कुवाँर । मिडियाबारे आम नागरिकके धारणा तथा जवाफदेहीता बृद्धिबारे धनगढीमे बुधके सार्वजनिक संवाद हुइल बा ।

मानव अधिकार सञ्चार प्रतिष्ठान, नेपाल (इह्रिकन) के आयोजना तथा नेपाल पत्रकार महासंघ ओ इन्टरनेशनल अलर्टके सहकार्य एवं युरोपियन युनियनके सहयोगमे हुइल कार्यक्रममे स्थानीय जनप्रतिनिधि, सरकारी अधिकारी, अधिकारकर्मी, नागरिक अगुवा तथा सञ्चारकर्मी सहित २३ जानेक सहभागिता रहल रहे ।

कार्यक्रममे मिडियाके कार्य, जनता ओ सञ्चारकर्मीप्रति मिडियाके जवाफदेहीता, सेवा प्रदायकहुकनहे जवाफदेहीता बनैना भूमिका तथा जवाफदेहीताके असल अभ्यासबारे छलफल हुइल रहे । ओस्टेक, जवाफदेहीताके क्षेत्रमे सुधार करे पर्ना कार्य, राज्य ओ अपन जवाफदेहीताके लाग सञ्चार क्षेत्रके भूमिका ओ राज्य तथा सञ्चार क्षेत्रसे अपन जवाफदेहीताके लाग भविष्यमे करे पर्ना कार्यबारे फे कार्यक्रममे छलफल हुइल रहे ।

कार्यक्रममे सहजकर्ता नवराज अधिकारी संस्थासे सञ्चालन करल मानव अधिकार, लोकतन्त्र ओ शान्ति संवद्र्धनके लाग सुरक्षित, व्यवसायिक, स्वतन्त्र ओ जवाफदेही मिडियाके प्रवद्र्धन परियोजनाबारे जानकारी कराइ रहिट । यी परियोजना कैलालीसहित देशके ११ जिल्लामे लागू हुइल उहाँ जानकारी डेलै ।

कार्यक्रममे धनगढी उपमहानगरपालिका वडा ३ के अध्यक्ष राजबहादुर ऐर, वडा ४ के अध्यक्ष बुद्धिबहादुर खड्का, नेकपा माओवादी केन्द्रके वैकल्पिक केन्द्रीय सदस्य रमेशसिंह धामी, जिल्ला प्रशासन कार्यालय, कैलालीके सूचना अधिकारी शिवराज जोशी, इन्सेकके कार्यक्रम अधिकृत कृष्ण विक, नेपाल पत्रकार महासंघके केन्द्रीय सदस्य भरत शाह, महासंघके कैलाली अध्यक्ष हिमाल जोशी, पत्रकार मनमोहन स्वार, प्रकाशबिक्रम शाह, दिलबहादुर छत्याल, शिवराज भट्ट, प्रेम चौधरी, सुशील ढुंगाना ओ भावना जोशी मिडियाके जवाफदेहीताके अवस्थाबारे धारणा व्यक्त करल रहिट ।