प्रतिनिधिसभाके लाग भण्डारीसे चुनावी घोषणापत्र सार्वजनिक

पहुरा समाचारदाता
धनगढी, ५ कुवाँर । नपाली कांग्रेस कैलालीके पुर्व पार्टी सभापति गोबिन्दराज जोशीसे बुधके रोज ‘बेल के रुखुवा’ प्रदान करटी कैलाली क्षेत्र नः ५मे क्षितिज भण्डारीके संसदमे चुनावी घोषणापत्र सार्वजनिक करले बटै ।

घोषणापत्र सार्वजनिक करटी जोशसे आब युवापुस्ताहे पार्टीसे टिकट डेलेसे केल कांग्रेसके विजय हुइना बटैटी समाजसेवी युवा नेता क्षितिज भण्डारीके स्मार्ट चुनावी प्रचार शैलीसे जनताके मन जित्न विश्वास व्यक्त करले बटै ।

कैलाली –५ से निर्विरोध महासमिति सदस्य रहल क्षितिज भण्डारी अपन सम्पर्क कार्यालय खोलके पछिल्का १ बर्षसे घरदैलो करटी रहल बटै । वहाँ संसदमे विजय हुइलेसे तलब ओ गाडी सुविधा नइलेना बताके धनगढी उपमहानगरपालिका सक्कु वडामे घोषणापत्र सहित घरदैलो कैना नेता कार्यकर्ताहे अनुरोध करले बटै ।
नेविसंघके पुर्व कावा केन्द्रिय अध्यक्ष रहल भण्डारी अपन पार्टी केन्द्रिय सभापति शेरबहादुर देउवा यी बार उम्मेदवार बनैना बाटमे विश्वस्त रहल बटैलै ।