गोसिनियाके हत्या अरोपमे गोसिया पक्राउ
पहुरा समाचारदाता
धनगढी, ६ कुँवार । कैलालीमे आपन गोसिनीयाके हत्या अरोपमे गोसिया पक्राउ परल बाटै ।
बिफेक सकारे आपन गोसिनीयाके हत्या करल अरोपमे प्रहरी पक्राउ करल हो । बिफेक सकारे घटना घटाके फरार रहल उहाँहे गाउँसे पक्राउ करल इलाका प्रहरी कार्यालय मालाखेतीके प्रमुख प्रहरी नायब उपरीक्षक रविन्द्र पाण्डे जानकारी डेलै ।
गौरीगंगा नगरपालिका वडानम्बर ५ के ३४ वर्षिय शेरबहादुर नामजालीमगर आपन गोसिनीया ३२ वर्षिया ललिता नामजाली मगरके धरियार हतियारसे हत्या कैके फरार रहल रहिट । शेरबहादुर बुधके भारतसे आइल ओ बिफेक सकारे घटना घटाइल प्रहरी जनैले बा ।
उहाँके १७ वर्षिया छाइ लक्ष्मीके कपार ओ घाटीमे गम्भीर चोट लागल बा कलेसे १२ वर्षिय छावा विजय नामजाली मगर सामान्य घाहिल बाटै । ओइनके सेती प्रादेशिक अस्पताल धनगढीमे उपचार हुइटी रहल बा । कलेसे ओहकान अवस्था गम्भीर रहल जनाइल बा । घटनाके थप अनुसन्धान हुइटी रहल प्रहरी जनैले बा ।
