थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

कैलाली कारागारमे भण्डारीसे सेनेटरीप्याड वितरण

पहुरा | ६ आश्विन २०७९, बिहीबार
कैलाली कारागारमे भण्डारीसे सेनेटरीप्याड वितरण

पहुरा समाचारदाता
धनगढी, ६ कुवाँर ।
नेपाली कांग्रेसके ओरसे प्रतिनिधिसभा क्षेत्र न.५ से उम्मेदवार क्षितिज भण्डारी सेनेटरी प्याड ओ स्वास्थ्य सामाग्री बँटना सुरु करले बटै ।

समाजसेवी युवानेता भण्डारी अपन लोकतान्त्रिक आन्दोलनमे दर्जनौं चो जेल गैल सम्झना करटी कैलाली कारागारमेफे ३ महिना जेल गैल ओरसे जेलमे डस्या आदिममे खसी डेटी आइल सम्झना करटी ६१८ कैदीबन्दीहे स्वर्गीय बाजे डिल्लीराज भण्डारीके स्मृतीमे स्वास्थ्य सामाग्री, सेनेटरी प्याड आदि बँटले बटै ।

धनगढीमे चुनावी भोजभतेरससंगे सक्कु वार्डमे पम्पलेटिङ करटी चुनावी कार्यालय खोलल भण्डारीके बँटना कामके विपक्षी दलसे भर आलोचना करल नइहुइट । वालबालिकाहे चककेट ओ खाजा डेटी भण्डारीसे नेपालके कारागारमे कानुनी परामर्शके अभावमे ढेर युवा बलात्कार, लागु औषध ओ कर्तव्य ज्यान मुद्दामे जबरजस्ती फसल चर्चा करटी अपने संसदमे चुनाव जिटलपाछे जेलके स्त्तरोन्ती करके मायाघर, सुधार ओ तालिमगृह बनैना बटैलै ।

कार्यक्रमके आयोजक श्री श्री रविशंकरके आर्ट अफ लिभिङके सुदुरपश्चिम प्रदेश सयोजक नवीन ओझासे युवानेता भण्डारीके सहयोग कैदी बन्दीहे गृह मन्त्रालयके अनुमती लेके बाँटल बटैटी ८ दिनसम जेलमे योग ओ ध्यान प्रशिक्षण कार्यक्रम समेत जेलर नरबहादुर थापाके अनुमतीमे संचालन हुइटी रहल बटैलै ।

जनाअवजको टिप्पणीहरू