थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]

मुक्त कमैया बस्तीके नक्सा श्रेष्टा कायम नइहो

पहुरा | ६ आश्विन २०७९, बिहीबार
मुक्त कमैया बस्तीके नक्सा श्रेष्टा कायम नइहो

दानसिह डंगौरा
कञ्चनपुर, ६ कुवाँर ।
कञ्चनपुरके महेन्द्रनगरमे विफेक रोज मुक्त कमैया समाजसे अन्तरक्रिया कार्यक्रम करले बा ।

कार्यक्रमके वडका पहुना रहल मुक्त कमैया समाजके केन्द्रिय उपाध्यक्ष जगन्नाथ डंगौरा अभिनफे मुक्त कमैयाहुक्रे पुनस्र्थापना हुइना बाँकी रहल ओ लालझाँडी गाउपालिका वडा नं.६ खैरगढैया मुक्त कमैया बस्तीके नक्सा श्रेष्टा कायम नइहुइल बटैलै ।
कार्यक्रमके विशिष्ट पहुना कञ्चनपुरके प्रमुख जिल्ला अधिकारी गोपाल प्रसाद अर्याल मुक्त कमैयाहुकनके सक्कु समस्या नितिगत रुपमे समाधान करे पर्ना बटैटी मुक्तकमैया युवा युवतीहुकनके विधि ओ प्रकृया अनुसार म्यादी प्रहरीमे भर्ना लेना बाट रख्लै ।

ओस्टेक विशिष्ट पहुना नापी कार्यालयके प्रतिनिधि पुष्करबहादुर पाल अधिकार सम्पन्न मुक्त कमैया पुनस्र्थापना आयोगसे नापी रहलेसे सक्कु बस्तीके नक्सा श्रेष्टा कायम हुई पर्ना बटैलै । नेकपा माओवादी केन्द्र कञ्चनपुरके प्रतिनिधि कृष्णदत्त जोशी कमैयाहुकनहे मुक्ती कराइक लाग नेकपा माओवादीसे जनयुद्ध करल बटैलै । ओस्टेक करके नेपाली कांग्रेस कञ्चनपुरके सचिव भीमराज भट्टसे बधुवा दासके रुपमे रहल कमैयाहुकनहे कांग्रेस भापति शेरबहादुर देउवा मुक्तिके घोषणा करल दाबी करलै । ओस्टेक करके पुर्व संविधानसभा सदस्य दुर्गादेवी खुना मुक्त कमैयाहे रोजगारमे आरक्षण कोटा सुनिश्चित करे पर्ना लगायतके और समस्या तत्काल राज्य सम्बोधन करे पर्ना बटैले बटी ।

ओस्टेक करके कमैया महिला जागरण समाजके केन्द्रिय अध्यक्ष विष्णी थारु मुक्त कमैयासे पाइल जग्गा फुकुवा करे पर्ना ओ बैंकिङ कारोबारके लाग सहज वातावरण सिर्जना करे पर्नामे जोड डेले बटै । मुक्त कमैया समाज कञ्चनपुरसे आयोजना करल नेपालमे कृषिमे आधारित ब“धुवा श्रमके अन्त्य परियोजना अन्र्तगत जिल्ला अन्तरक्रिया कार्यक्रम समाजके अध्यक्ष रामप्रसाद रानाके सभापतित्वमे सम्पन्न हुइल रहे कलेसे कार्यक्रममे कार्यपत्र सहजकर्ताके रुपमे अधिवक्ता जयदेव जोशी प्रस्तुत करलै ।

जनाअवजको टिप्पणीहरू