थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ कुँवार २६४६, बिफे ]
[ वि.सं १३ आश्विन २०७९, बिहीबार ]
[ 29 Sep 2022, Thursday ]
‘ यौनिक तथा लैङिक अल्पसङ्ख्यक समुदायमे गुनासो ’

स्थानीय तह हमार मुद्दामे गम्भीर नइहुइल

पहुरा | ६ आश्विन २०७९, बिहीबार
स्थानीय तह हमार मुद्दामे गम्भीर नइहुइल

पहुरा समाचारदाता
धनगढी, ६ कुवाँर ।
यौनिक तथा लैङिक अल्पसङ्ख्यक समुदायके मुद्दामे स्थानीय तह गम्भीर नइहुइल गुनासो करल बा ।

धनगढीमे बिफेक रोज सञ्चारकर्मीहुकनसंग छलफलमे यैसिन गुनासो करल हो । ब्लु डायमण्ड सोसाईटीके आयोजनामे सञ्चारकर्मीहुकनके करल छलफलमे स्थानीय सरकारसंग आग्रह करेबेरफे वेवास्ता कैना करल ओइनके आरोप बा । यौनिक तथा लैङिक अल्पसङ्ख्यक समुदायके मुद्दाफे सम्बोधन करे परठ कहिके स्थानीय सरकारसंग आग्रह करल हो’, सुदूरपश्चिम समाजके कार्यक्रम संयोजक राजु लामा, ‘मने, फे वेवास्ता हुइना करले बा ।’

कैलालीके १३ ठो स्थानीय तह मन्से ४ ठो केल अपन सुमदायहे नीति तथा कार्यक्रममे समावेश करल डेखल उहाँ छलफलमे प्रस्तुत करल कार्यपत्रमे उल्लेख करल बा । ‘कम हुइलेसेफे कैलालीके कैलारी, भजनी, टीकापुर ओ घोडाघोडीसे केल सम्बोधन करल विल्गाइठ,’ उहाँ कहलै, ‘और स्थानीय तहहे अपनेहुक्रे अनुरोध करेबेरफे वेवास्ता करल विल्गाइठ ।’

कार्यक्रममे ब्लु डायमण्ड सोसाइटीके कार्यक्रम व्यवस्थापक भूमिका श्रेष्ठसे सामाजिक संस्कार, रहनसहन तथा राज्यके नीतिके कारणफे यौनिक तथा लैङिक अल्पसङ्ख्यक समुदायके व्यक्ति खुले नइसेकल बटैली । ‘समाजमे यौनिक तथा लैङिक अल्पसङ्ख्यक समुदायके नागरिक ढेहर रहल बटै, उहाँ कहली । ‘मने, सामाजिक रहनसहनसेफे खुलके आई सेकल अवस्था नइहो ।’ अधिकार सुनिश्चितताके लाग समाजमे ढेर सघर्ष करे परल उहाँ बटैली ।

नागरिकता लेहलथेनसे निर्वाचनमे भाग लेहटसम अपन समुदायहे सहज नइरहल उहाँ बटैली । राजनीतिक दलहुक्रेफे यौनिक तथा लैङिक अल्पसङ्ख्यक समुदायके मुद्दा वेवास्ता कैना करल उहाँक कहाई रहल बा ।

जनाअवजको टिप्पणीहरू