बजाज एक्सचेन्ज महामेला सुरु

पहुरा समाचारदाता
धनगढी, ९ कुवाँर । दिनेश अटोमोटिभ्स प्रालि धनगढीके आयोजनामे यिहे कुवाँर ९ से १४ गतेसम बजाज एक्सचेन्ज महामेला सुरु हुइल बा ।

धनगढीमे चौराहामे आजसे सुरु हुइल बजाज एक्चेन्ज महामेलाके उदघाटन दिनेश ग्रुपके कार्यकारी अध्यक्ष तथा दिनेश अटोमोटिभ्स प्रालिके प्रमुख श्याम हमाल एक कार्यक्रमके विच करल रहिट । कौनोफे कम्पनीके मोटरसाइकल साटके बजाज कम्पनीके मोटरसाइल लैजाई सेक्ना अवसरके लाग बजाज एक्सचेन्ज महामेलाके आयोजना करल प्रमुख हमाल बटैलै ।
बजाज एक्सचेन्ज महामेला अवधिभर कौनोफे मोटरसाइकलके प्रचलित बजार मुल्याङकनसे रु ७ हजार ठप कैना, नगद खरिद करेबेर ७ हजार छुट ओ सहुलियत व्याजदरमे फाइन्सके व्यवस्था रहल उहाँ जनैलै ।

महामेला अवधिमे मोटरसाइल खरिद करेबेर निशुल्क लेगगार्ड, सिटकभर, हेलमेट (एशोसिरिज)के व्यवस्था रहल दिनेश अटोमोटिभ्स प्रालि धनगढीके प्रबन्धक तेज बम जनैले बा ।