थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

सत्ता गठबन्धनसे सिट बाँडफाँट

पहुरा | १३ आश्विन २०७९, बिहीबार
सत्ता गठबन्धनसे सिट बाँडफाँट

काठमाडौं, १३ कुवाँर । सत्ता गठबन्धनमे सहभागी दलहुकनबीच प्रतिनिधि सभा सिट बाँडफाँटमे लगभग सहमति हुइल बा । बुधके रातसम हुइल छलफलसे एकाध सिटबाहेक सक्कु क्षेत्र टुंगाइल हो ।

हालसम नेपाली कांग्रेससे ८३ सिट, नेकपा माओवादी केन्द्रसे ३६ सिट, नेकपा एकीकृत समाजवादीसे १४ सिट, जनता समाजवादी पार्टीसे १३ सिट ओ राष्ट्रिय जनमोर्चासे २ सिट लेना सहमति हुइल कार्यदलके एक सदस्य बटैलै ।

कांग्रेससे प्रतिनिधिसभामे पैना ८७ सिट कहाँ–कहाँ टुंग्याइल ?

नेपाली काँग्रेससे प्रतिनिधिसभामे गठबन्धनसे ८७ सिट पैना हुइल बा । सत्ता गठबन्धनके बुधके बैठल बैठकमे कांग्रेससे ८७ सिट पैना सहमति हुइनाके साथे उ मन्से अधिकांश क्षेत्रके भागबण्डा टुंङगल हो ।
जौनअनुसार काँग्रेससे पैना निर्वाचन क्षेत्रमे कञ्चनपुर– ३, कञ्चनपुर–२, डडेलधुरा, दार्चुला, कैलाली– १, ४, ५, अछाम –२, बाजुरा, सुर्खेत– १ ओ २, दैलेख – २, मुगु, नवलपरासी पश्चिम –२, बर्दिया– १ रहल बा । दैलेख–१ मे भर एकीकृत समाजवादीकेफे दाबी बा ।

ओस्टेक करके चितवन – १ ओ २, गोरखा – १, मनाङ, कास्की– १, तनहुँ– १ ओ २, स्याङ्जा– १ ओ २, नवलपरासी पूर्व– १ ओ २, मनाङ, म्याग्दी, पर्वत, गुल्मी– १, पाल्पा– १, अर्घाखाँची, रुपन्देही – ३,४ ओ ५, कपिलबस्तु – २, ३, दाङ– ३ ओ बाँके – ३ निर्वाचन क्षेत्रसेफे काँग्रेससे उम्मेदवारी डेना सहमति हुइल बा ।
ओस्टेक करके पाँचथर, इलाम–२, झापा – १, ३ ओ ४, संखुवासभा, तेह्रथुम, धनकुटा, मोरङ–१,२,३ ओ ६, सुनसरी – २,३ ओ ४, ओखलढुंगा, उदयपुर – १, सप्तरी –३, ४, सिरहा – १, २ धनुषा– २, ३ ओ ४ महोत्तरी – २ ओ ३ निर्वाचन क्षेत्रफे काँग्रेससे लेना सहमति हुइल बा ।

ओस्टेक करके सर्लाही – ४, बारा– १, पर्सा –३ ओ ४, सिन्धुली–१, रसुवा, धादिङ – २, नुवाकोट –२, काठमाडौं – १, १०, ३,४,५,६, भक्तपुर – १ ओ २, ललितपुर – १, काभ्रे –२ सिन्धुपाल्चोक – २ ओ मकवानपुर– १ कांग्रेससे लेना बटाइल बा ।
जौन मन्से कांग्रेससे पैना कहल धनुषा – ४ मे जसपा, महोत्तरी – ३ मेफे जसपाके दाबी कायमे बा । कलेसे गठबन्धनमे हुइल सहमति अनुसार कांग्रेससे दोलखा वा रामेछाप मन्से एक निर्वाचन क्षेत्रफे पैना सहमति बा ।

गठबन्धनसे माओवादी प्रत्यक्ष निर्वाचन लरना निर्वाचन क्षेत्र

सत्ता गठबन्धनसे नेकपा (माओवादी केन्द्र)से ताप्लेजुङमे उम्मेदवारी डेना सहमति हुइल बा । ओस्टेक झापा २, ५, भोजपुर, मोरङ ४, ५, सोलुखुम्बु, उदयपुर २, सिरहा ३, धनुषा १, महोत्तरी १, सर्लाही ३, सिन्धुली १, नुवाकोट १, काठमाडौं २, काठमाडौं ९, काभ्रे १, सिन्धुपाल्चोक १, चितवन ३, गोरखा २, लमजुङ कास्की १ वा ३, बागलुङ २, कपिलबस्तु १, रुकुम पूर्व, रोल्पा, दाङ २, बाँके १, बर्दिया २, नवलपरासी पश्चिम १,जुम्ला, कालीकोट, जाजरकोट, हुम्ला, रुकुम पश्चिम, अछाम १, कैलाली २ ओ ३ बैतडी, कञ्चनपुर १ मे माओवादीसे टिकट पैना करिब करिब सहमति जुटल बा ।

बाबुराम भट्टराई नेतृत्वके नेसपासहित जोरके माओवादीसे ५३ सिट पैना करिब सहमति जुटल एक नेता जानकारी डेलै । उ नेताके अनुसार बारा ४, अछाम १, सल्यान नवलपरासी १, रुपन्देही १, धादिङ १ सर्लाही २ ओ खोटाङमे और पार्टीकेफे दाबी रहल ओरसे सहमतिके प्रयास जारी बा ।

जसपासे पैना निर्वाचन क्षेत्र

सहमतिअनुसार जसपासे सुनसरी १, सप्तरी, १, सिरहा ४, महोत्तरी ४, सर्लाही १, रौतहट ३, बारा २, बारा ३, पर्सा १ ओ २, काठमाडौं ७, बाँके ओ सप्तरी २ पैना सहमति हुइल बा । जसपासे धनुषा ३ मे समेत दाबी करलेसेफे कांग्रेससेफे दाबी छोरले नइहो । ओस्टेक महोत्तरी ३ ओ रुपन्देही १ मे जसपासंगे माओवादीकेफे दाबी बा ।
ओस्टेक करके राष्ट्रिय जनमोर्चासे बागलुङ १ ओ प्युठान पैना हुइल बा ।

जनाअवजको टिप्पणीहरू