थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

बाढ प्रभावित गर्भवती महिलाहे हाइजेनिक किट्स

पहुरा | १३ आश्विन २०७९, बिहीबार
बाढ प्रभावित गर्भवती महिलाहे हाइजेनिक किट्स

पहुरा समाचारदाता
जोशीपुर, १३ कुँवार ।
कैलालीके जोशीपुरमे वाढ पिडित गर्भवति महिलाहुक्रनहे राहत वितरण करल बा ।

युनिसेफके प्राविधिक सहयोग तथा नेपाल रेडक्रस ओ जोशीपुर गाउँपालिकाके समन्वयमे राहत वितरण करल हो । कुँवार १ ओ २ गतेके भिषण बर्षाके कारण आइल बाढसे प्रत्यक्ष प्रभावित परिवारहे राहत वितरण करल हो । राहतमे प्लाष्टिक बाल्टी, मग, झुल, त्रिपाल ओ हाईजेनिक किट्स रहल बा ।

नेपाल रेडक्रस शाखा जोशीपुरके सभापति जित बहादुर चौधरीके अध्यक्षता तथा जोशीपुर गाउँपालिकाके अध्यक्ष चित्र बहादुर चौधरीके बर्का पहुनाइमे जोशीपुर गाउँपालिका वडा नं. ३ के बाढ प्रभावित एकसय जनहनहे राहत वितरण करल रहे ।

युनिसेफसे जोशीपुर किल नैहोके भजनी नगरपालिकाके ८ सय वाढपीडित परिवारहे राहत वितरण करल रहे । ओस्टके टीकापुुरके २ सय घर परिवारहे राहत वितरण करल युनिसेफके राज बहादुर रोकाया जानकारी डेलै ।

विशेष कैके बाढ पीडित क्षेत्रके गर्भवती महिला ओ सुनौलो १ हजार दिनके महिलाहे राहत वितरण करल उहाँ जानकारी डेलै ।

जनाअवजको टिप्पणीहरू