कैलाली–४ के शसक्त उम्मेदवार मै हुँ सुनिल भण्डारी
पहुरा समाचारदाता
धनगढी,१३ कुवाँर । नेपाली काँग्रेसमे नम्मा समयसे जीवन विटाइल नेपाली काँग्रेसके पूर्व केन्द्रीय सदस्य प्रतिनिधिसभा सदस्यके लाग कैलाली जिल्ला क्षेत्र नम्बर ४ से अपने शसक्त उम्मेदवार रहल बटैले बटै ।
विफेक रोज धनगढीमे पत्रकार सम्मेलनके आयोजना करके भण्डारी कैलाली–४ से प्रतिनिधिसभा सदस्यके चुनाव लरना घोषण करले बटै । उहाँ कहलै, मै अभिनसम नेपाली काँग्रेसमे सक्रिय हुके लागल बटु । क्षेत्र नम्बर ४ से चुनाव लरना मोर अन्तिम घोषणा हो । अब्खीबार पार्टीसे टिकट नइपैलेसे कबुफे चुनाव नइलरम ।’
उहाँ पार्टीसे टिकट पैले अपन जिट सुनिश्चित रहलफे दाबी करलै । यिहीसे आघे प्रतिनिधिसभा सदस्य चुनावमे पूर्व केन्द्रीय उ क्षेत्रसे हार व्यहोरल रहिट ।
सत्ता गठबन्धनसे कैलालीमे क्षेत्र नम्बर ५, ४ ओ १ मे नेपाली काँग्रेसहे ओस्टेक २ ओ ३ मे माओबादी केन्द्रहे टिकट डेना कहले बा । नेपाली काँग्रेससे कैलालीके क्षेत्र नम्बर ५ डिल्लीराज पन्त, ४ नम्बर विरबहादुर बलायर ओ १ से रामजनम चौधरीहे टिकट डेना चर्चामे आइल बा ।
पत्रकार सम्मेलनमे भण्डारी अपने क्षेत्र नम्बर ४ बाहेक कौनो क्षेत्रसे चुनाव नइलरना ओ अब्खीबार टिकट नइपैलेसे सक्रिय राजनितिमे रहना नइरहना दुसर चो पत्रकार सम्मेलन कैके घोषणा कैना बटैलै ।
