थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

कैलालीमे ४०४ जनहनमे डेंगु संक्रमण

पहुरा | १३ आश्विन २०७९, बिहीबार
कैलालीमे ४०४ जनहनमे डेंगु संक्रमण

पहुरा समचारदाता
धनगढी, १३ कुँवार ।
कैलालीमे दिन पिच्छे डेंगुके संक्रमण बह्रटी गैल बा । गैल सावन यहोर कैलालीमे ४०४ जनहनमे डेंगु संक्रमण डेख परल बा । जौन मध्ये धनगढी उपमहानरपालिकामे सबसे ढिउर १२४ जनहनमे डेंगु संक्रमण हुइल बा ।

ओस्टके लम्कीचुहा नगरपालिकामे ११३, टीकापर नगरपालिकामे ४०, गोदावरीमे २७, घोडाघोडी नगरपालिकामे ३, गौरीगंगा नगरपालिकामे ७, भजनीमे ५, जानकी गाउँपालिका ४, बर्दगोरिया गाउँपालिकामे ७२, मोहन्याल गाउँपालिकामे ३ जाने सहित ४०४ जनहनमे संक्रमण डेख परल स्वास्थ्य कार्यालय कैलाली जनैले बा । अन्य अन्य दुई स्थानीय तह कैलारी ओ चुरे गाउँपालिकामे भर डेंगु संक्रमित नैडेख परल हुइट ।

डेंगुके संक्रमण बह्रटी गैलपाछे कैलालीके १३ स्थानीय तहहे सचेत रहना कहल बा । संक्रमण रोक्न अभियान सञ्चालनके लाग पत्राचार करल स्वास्थ्य कार्यालय जनैले बा ।

डेंगुरोग एडीस एजिप्टी ओ एडीस एल्बोपिक्टस् प्रजातिके मच्छर कटलेसे सरठ् । डेंगु रोगके लक्षण एक्कासि जुरी अइना, कपार, मासपेशी तथा जोर्नी पिरैना, थकान महसुस हुइना, वाकवाकी लग्ना वा बान्ता हुइना, आपन दैनिकी, खानपान वा अन्य काममे रुची नैलागठ् । इ मेरके लक्षण डेखलमे तुरुन्ते लग्गेक स्वास्थ्य संस्थामे सम्पर्क कैना स्वाथ्यकर्मीहुक्रे सुझैले बाटै ।

साथे डेंगुसे बचक लाग पुरा बहुला रहल कपडा लगैना, झुल भिट्टर किल सुत्ना, घरक झ्याल ढोकामे मच्छर नैछिर्ना जाली लगैना, घर कार्यालय विद्यालय वा सार्वजनिक क्षेत्रमे पानी जमे नैडेना, खल्टाखुल्टी ओ खानेपानी वा ढल चुहठ कलेसे तत्काल मर्मत कैना, गमलाके प्लेट, फूलदानी कुलर पानी कम्तिमे हप्ताके एकचो फेर्र्ना, पानी जम्मा कैना भाडाहे मच्छर नै छिर्ना सेक्ना
मेरके छोप्ना, साँझ ओ सकारे करेसाबारीमा जाँइबर, घर बाहर टहलेबर वा पार्कमे जाइबर वा बालबालिकाहे लैजाइबर मच्छर नै काटिँट् कहिके विशेष सावधानी अपनैना लगायत सझाव समेत डेले बाटै ।

जनाअवजको टिप्पणीहरू