निर्वाचन आचारहित पालना कैना संचारकर्मीनहे आग्रह

पहुरा समाचारदाता
धनगढी, १ अगहन । संचारकर्मीनहे आचारसहित पालना कैना नेपाल पत्रकार महासंघके केन्द्रीय महासचिव रोशन पुरी आग्रह करले बटै ।

नेपाल पत्रकार महासंघ कैलाली शाखा अर्न्तगत फ्रि मिडिया नेटवर्कके आयोजनामे विफेक रोज धनगढीमे हुइल निर्वाचनके सन्दर्भ छलफल कार्यक्रममे महासचिव रोशन पुरी संचारकर्मीनहे निर्वाचनके समाचार संकलन मर्यादभिटर रहिटके कैना आग्रह करलै ।

और निर्वाचनमे संचारकर्मीनके लाग प्रेसपासके व्यवस्था करल मने यी निर्वाचनमे संचारगृहसे उपलब्ध कराइल परिचयपत्र डेखैलेसे पुग्ना उहाँ कहलै । संचारकर्मी अपने प्रयोग कैना सवारीसाधनमे मतदाता नइओसर्ना महासचिव आग्रह करलै ।

कार्यक्रममे नेपाल पत्रकार महासंघके केन्द्रीय सचिव हेमकर्ण विक, केन्द्रीय सदस्य भरत शाह, लेखा समिति सदस्य मुकुन्ड भण्डारी, पूर्व केन्द्रीय उपाध्यक्ष उमिद बागचन्द, कर्ण शाह, दिलबहादुर छत्याल लयायत विभिन्न संचारमाध्यममे कार्यरत सम्पादक, अग्रज पत्रकारहुकनके सहभागिता रहे ।

नेपाल पत्रकार महासंघ कैलाली शाखा अर्न्तगत फ्रि मिडिया नेटवर्कके संयोजक हिमालय जोशीके अध्यक्षतामे हुइल कार्यक्रमके संचालन नेपाल पत्रकार महासंघ कैलालीके सचिव प्रेम चौधरी करले रहिट ।