कैलाली क्षेत्र नम्बर ३ मे नागरिक उनमुक्तिके गंगा चौधरी निर्वाचित

पहुरा समाचारदाता
धनगढी, ६ अगहन । कैलाली क्षेत्र नम्बर ३ के मतगणनामे ओराइल बा । यहाँ नागरिक उन्मुक्ति पार्टी निर्वाचित हुइल बा । नागरिक उन्मुक्ति पार्टीके गंगा चौधरी २३ हजार १२० मत नान्के विजयी हुइल बटैं ।

उहाँक प्रतिस्पर्धी बाम लोकतान्त्रिक गठबन्धनके ओरसे माओवादी केन्द्रके उम्मेदवार कृष्णकुमार चौधरी १७ हजार ७४९ मत पैले बटैं ।

ओस्टेके, राप्रपाके वीरेन्द्र बम ६ हजार ३४२ ओ नेकपा एमालेके गौरीशंकर चौधरी ९ हजार ८७४ मत पैले बटैं । यहाँ ६३४४० मत गिरल रहे । ओस्टेक ५९ हजार ७१९ सदर हुइल बा कलेसे ४ हजार २१ मत बदर हुइल बा ।