थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

सुनिलहे यूएईके फाइभस्टार होटलमे रोजगारीके अवसर

पहुरा | ७ मंसिर २०७९, बुधबार
सुनिलहे यूएईके फाइभस्टार होटलमे रोजगारीके अवसर

पहुरा समाचारदाता
धनगढी, ७ अगहन ।
यूएईके शारजहास्थित फाइभस्टार होटल सेराटन शारजहा रिसोर्ट एण्ड स्पा’ मे एसपीए कलेज धनगढीमे बीएचएम अध्ययनरत विधार्थी रोजगारीके अवसर पैले बटै ।

कमल विष्ट मंगरके यूएई प्रस्थान करले बटै । बीएचएमके विष्ट उ होटलमे एकवर्षके लाग पेड इन्टनसिप(तलबसहित)के अवसर पाइल हुइट । कलेजसे उहाँहे १ वर्षके लाग उ अवसर जुटा डेहल हो ।

ओइने उ अवधिमे फाइभ स्टार होटलमे सर्भिसके अनुभव लेनाके साथे आम्दानी फे करही । इन्टनसीप अवधि सेकल लगत्तै ओइने उ होटलमे काम करेफे पैही । ओइनसंग पाँचतारे होटेलमे काम करल अवसर हुइना ओरसे चाहल खण्डमे और देशके और लक्जरिएस होटलमे आकर्षक तलब सुविधा सहित काम कैना अवसर पैही ।

यी आघेफे एसपीएमे बीएचएम अध्ययनरत् विद्यार्थीहुक्रे दुबई, मलेसिया, कतार, बहराइन भारत तथा नेपालके फाइभस्टार होटलमे रोजगारीके अवसर पासेकल बटै ।

एसपीएके विद्यार्थी दुवईके विश्वप्रशिद्ध पाँच तारे होटल ‘द मेरियट्स मार्किस’, बहराइनके विश्वप्रशिद्ध पाँचतारे होटल क्राउन प्लाजा एचजीमा, कतार, मलेसिया, भारत, माल्दिभ्सलगायत नेपालके टमान होटलमे कार्यरत बटै ।

एसपीएके क्याम्पस प्रमुख योगराज उपाध्याय विद्यार्थी विष्टहे अइना जीवनके शुभकामना डेटी एसपीएसे अध्ययनसंगसंगे विद्यार्थीहुकनके भविष्यके फे सुनिश्चितता करडेहल बटैलै ।

‘हम्रे विद्यार्थीहे संस्कार ओ अनुशासनयुक्तसंगे संगे पसिना ओ कर्ममे विश्वास कैना बनैबी,’ क्याम्पस प्रमुख उपाध्याय कहलै, ‘उहे कारण हमार विद्यार्थी दुबई, बहराईन, भारत, नेपालके होटलमे इन्टर्नके रुपमे काम करटप् करटी मजा आम्दानीफे करटी बटै । यी ओइनके भविष्य सुनिश्चित हुइल आधारफे हो ।’

सुदूरपश्चिममे त्रिभुवन विश्वविद्यालयसे सम्बन्धन प्राप्त बीएचएमके सबसे भारी कार्यक्रम एसपीएमे केल बा । सुदूरपश्चिममे बीएचएमके लाग अपने अलग आधुनिक सक्कु स्रोत साधानयुक्त ल्याब, किचेन, बेकरी, बार, रेस्टुरेन्ट, हाउस किपिङ रहल एक ठो शैक्षिक संस्था एसपीए हो ।

बीएचएम अध्ययन करे चहना विद्यार्थी सि–म्याट(प्रवेश परीक्षा) डेहे परठ । सिम्याटके लाग अब्बे फाराम खुलल बा ।
जौनफे संकायसे आइल विद्यार्थी फे बीएचएम पह्रे पैही । हरेक विषयमे १.८ वा डी प्लस जिपिए आइल हुई परठ । त्रिविके छात्रवृत्ति, प्रवेश परीक्षा टप कैना, गरिब जेहेन्दोर विद्यार्थीहेफे क्याम्पससे छात्रवृत्तिके व्यवस्था बा ।

झण्डै ३५ सय विद्यार्थी अध्ययनरत एसपीए सुदूरपश्चिमके अग्रिणी शैक्षिक संस्था हो । एसपीएमे स्नातकोत्तर तहमे एमएड, एमबीएस, स्नातक तहमे बीए, बीबीएस, बीएड, बीएचएम, बीआईएम, एकवर्षे बीएड तथा प्लस टूमे विज्ञान, व्यवस्थापन, शिक्षा, मानविकी, कानुन, होटल म्यानेजमेन्ट, आमसञ्चार ओ पत्रकारिता विषयमे अध्ययन अध्यापन हुइटी आइल बा ।

कलेजमे पूर्ण रुपमे मल्टिमिडियायुक्त कक्षाकोठा बटै । सक्कु कोठामे सिसी टिभी क्यामेरा जडान करल बा । आधुनिक कम्प्युटर तथा विज्ञान प्रयोगशालामे विद्यार्थीहुकनहे फ्रशिक्षित कराजाइठ ।

दुरसे अइना विद्यार्थीके लाग कलेजसे बसके व्यवस्था कैनाके साथे होस्टेलके समेत व्यवस्था करले बा । टमान १५ ठो क्लव गठन करटी विद्यार्थी अतिरिक्त त्रियाकलापमे सहभागिता जनैठै । कलेजमे ८ जाने अन्तर्राष्ट्रिय क्रिकेट खेलाडी अध्ययन करटी बटै । उ बाहेक और खेलके अन्तर्राष्ट्रिय खेलाडीके लागफे कलेजसे छात्रवृत्तिके व्यवस्था करले बा ।

जनाअवजको टिप्पणीहरू