चितवन–२ मे रवि लामिछाने ३४ हजार ढिउर मतान्तरसहित विजयी
चितवन, ८ अगहन । नवगठित राष्ट्रिय स्वतन्त्र पार्टीके केन्द्रीय सभापति रवि लामिछाने चितवन–२ स भारी मतान्तरसहित प्रतिनिधिसभा सदस्यमे विजयी हुइल बाटै ।
लामिछाने ४९ हजार २६१ मत लानेबर ओहकान निकटतम् प्रतिस्पर्धी सत्तारूढ गठबन्धनके ओरसे उम्मेदवार रहल उमेश श्रेष्ठके १४ हजार ९ सय ८३ मत आइल मुख्य निर्वाचन अधिकृत रितेन्द्र थापा बटैलै । लामिछाने ३४ हजार २ सय ८१ मतान्तर कायम कैटी विजयी हुइल बाटै ।
एमाले उम्मेदवार कृष्णभक्त पोखरेलके १४ हजार ६ सय ४७ मत आइल बा । कृष्णभक्त पोखरेल ७४ सालके निर्वार्चनमे निकटतम् प्रतिस्पर्धी कांग्रेसके शेषनाथ अधिकारीसे १७ हजार ३५६ मत ढिउर लानके चितवन–२ से प्रतिनिधिसभा सदस्यमे विजयी हुइल रहिट ।
चितवन–२ मे कुल मतदाता एक लाख २४ हजार २१४ रहलमे अँट्वारके हुइल मतदानमे ८४ हजार ३१५ मत गिरल सहायक निर्वाचन अधिकृत ईश्वर आचार्य जानकारी डेलै ।
–
–
