थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

बहालवाला मन्त्रीहे हरैटी नागरिक उन्मुक्तिके लक्ष्मण चौधरीके जित

पहुरा | ८ मंसिर २०७९, बिहीबार
बहालवाला मन्त्रीहे हरैटी नागरिक उन्मुक्तिके लक्ष्मण चौधरीके जित

पहुरा समाचारदाता
धनगढी, ८ अगहन ।
कैलाली क्षेत्र नं. १ के प्रदेश निर्वाचन क्षेत्र (ख) मे नागरिक उन्मुक्ति पार्टीके लक्ष्मण किशोर चौधरी विजयी हुइल बाटै । उहाँ सुदूरपश्चिम प्रदेशके आन्तरिक मामिला तथा कानून मन्त्री डा. रणबहादुर रावलहे ३ हजार २६४ मतान्तरसे पराजित करले बाटै । नेपाली काँग्रेसके केन्द्रिय सदस्य समेत रहल रावल गठबन्धनके ओरसे उम्मेदवार रहिट ।

निर्वाचन कार्यालयके अनुसार चौधरी ११ हजार ३१७ मत प्राप्त करले बाटै कलेसे निकटतम प्रतिस्पर्धी रावल ८ हजार ५३ मत प्राप्त करले बाटै । २०७४ के प्रदेश सभा निर्वाचनमे चौधरी रावलसँग पराजित हुइल रहिट । उ चुनावमे उहाँ ८ हजार ८४५ मत सहित टिसरा स्थानमे रहिट कलेसे नेकपा माओवादीके नेपबहादुर चौधरी ८ हजार ९०६ मत सहित डुसरा स्थानमे रहिट । रावल ९ हजार ४३४ मत लानके विजयी हुइल रहिट ।

तत्कालिन अवस्थामे चौधरी राष्ट्रिय जनता पार्टीसे चुनाव लरल रहिट । उहाँ इ बेर भर निलम्वित साँसद रेशमलाल चौधरीके संरक्षण रहल नागरिक उन्मुक्ति पार्टीसे उम्मेदवार बनल हुइट ।

ओस्टके चुनावी प्रतिस्पर्धामे रहल नेकपा एमालेके द्वारिका न्यौपाने ५ हजार ३२० मत ओ राप्रपाके डम्बरबहादुर थापा १ हजार ३३८ मत प्राप्त करल सहायक निर्वाचन अधिकृत लक्ष्मी ओड जानकारी डेली । चुनावी प्रतिस्पर्धामे रहल अन्य सात जाने उम्मेदवार हजार मत पुगाइ नैसेक्लै । कुल २९ हजार ६१४ मत गिरलमे १ हजार ४०९ मत बदर हुइल बा ।

ओस्टके कैलाली क्षेत्र नं. १ के प्रदेश निर्वाचन क्षेत्र (क) मे समेत नागरिक उन्मुक्ति पार्टीके कैलाश चौधरी भारी मतान्तरसे इह्ीसे आघे विजयी होसेकल बाटै । उहाँ प्रतिद्वन्दीसे ४ हजार ७२४ मतसे विजयी हुइल हुइट । उहाँ १५ हजार १०१ मत पैले बाटै कलेसे निकटतम प्रतिद्वन्दी गठबन्धनके ओरसे माओवादीके दीर्घ बिनाडी १० हजार ३७७ मत पैले बाटै ।

निर्वाचन अधिकृतके कार्यालयके अनुसार राप्रपाके भीमबहादुर बम ४ हजार ६० ओ जसपाके भगतराम चौधरी २ हजार २७८ मत पैले बाटै । कुल ३४ हजार ४८५ मत मध्ये १ हजार ११४ मत बदर हुइल बा ।

जनाअवजको टिप्पणीहरू