खाद्य प्रविधि तथा गुण नियन्त्रण कार्यालयसे त्रैमासिक प्रगति सार्वजनिक
पहुरा समाचारदाता
धनगढी, ९ अगहन । खाद्य प्रविधि तथा गुण नियन्त्रण कार्यालय धनगढी ओ मातहतके खाद्य प्रविधि तथा गुण नियन्त्रण विभिजन कार्यालयके आर्थिक वर्ष २०७९/०८० के प्रथम त्रैमासिक अवधिके प्रगति सार्वजनिक कैगिल बा ।
खाद्य प्रविधि तथा गुण नियन्क्रण कार्यालयसे शुकके एक कार्यत्रमके चिव मातहतके खाद्य प्रविधि तथा गुण नियन्त्रण विभिजन कार्यालय डडेल्धुरा, डोटी ओ बैतडीके सावनसे कुवाँरसमके प्रगति सार्वजनिक खाद्य अनुसन्धान अधिकृत सुचना अधिकारी हरि सिंह बोहरा, करल रहिट ।
आव २०७९/०८० के प्रथम त्रैमासिक अवधिमे यी कार्यालयसे २४ ठो खाद्य उद्योगके दर्ता प्रकृयाके लाग सिफारिस करल, १३ ठो खाद्य उद्योग ओ १ ठो दाना उद्योगके अनुज्ञापत्र नवीकरण, १ ठो खाद्य उद्योगके अनुज्ञापक्र नयाँ जारी करल बा । यी अवधिमे खाद्य निरिक्षक तथा संयुत्त अनुगमन टोलीसे ४४ चो खाद्य तथा दाना उद्योगके अनुगमन निरिक्षण करल उहाँ जनैलै । यी अवधिमे संवेदनशिल खाद्य पदार्थ (जस्टे दूध, तेल, पानी) उत्पादन कैना ६ ठो उद्योगके अनुगमन निरिक्षण करके खाद्य स्वच्छता कायम रख्ना करके आवश्यक निर्देशन डेहल बा ।
बजारमे विक्री हुइना ओ होटल रेस्टुरेन्टमे तयार कैना खाद्य पदार्थके स्वच्छता ओ गुणस्तर नियमनओर प्रथम त्रैमासिक अवधि तथा चाडपर्व लक्षित करके खाद्य निरिक्षक ओ संयुक्त अनुगमन टोलीसे जम्मा २४ चो खाद्य तथा दाना बजारहुकनके अनुगमन करल बा । कलेसे ३७ चो होटल रेस्टुरेन्टके अनुगमन करल उहाँ बटैलै ।
खाद्य ऐन तथा दाता ऐन अनुरुप खाद्य निरिक्षक तथा दाना निरिक्षकसे उद्योग, बजार तथा होटल रेस्टुरेन्ट अनुगमन कैना क्रममे संकास्पद नमूना संकलन करके ऐन अनुरुप कारवाही प्रकृया आघे बह्राइल बा ।
आ व के प्रथम वैमासिक अवधिमे यी कार्यालयसे १० ठो नमूना ओ ३ ठो डिभिजन कार्यालय कार्यालय डडेल्धुरा २२, डोटी ११ बैतडी २६ से ५९ ठो करके जम्मा ६९ ठो नमूना संकलन करके कारवाही प्रकृया आघे बढटी रहल जनागिल बा ।
सुदुरपश्चिम क्षेत्रके ९ जिल्लामे प्रथम त्रैमासिक अवधिमे खाद्य तथा दाना अनुसार जारी तथा नवीकरण लाग संकलित ४७१ अनुरोध हुके आइल २४, ऐन बमोजिम निरिक्षकसे संकलित ६९ ओ बजार अनुगमनसे संकलित २५ करके जम्मा ५८९ ठो नमूना विश्लेषण करल बा ।
गैल आवसे लगत सरि आइल जम्मा १९ उद्योगी व्यवसायीसंग बयान लेना, सरकारी वकीलसे राय निकासा लेना कार्य आघे बह्रटी रहल बा । यी अवधिमे अनुसन्धान प्रकृया पुरा हुइल प्रतिकृत नमूना उपर खाद्य निरिक्षकसे जिल्ला प्रशासन कार्यालय कैलाली ओ कञ्चनपुरमे करके ११ ओ जिल्ला अदालत कैलालीमे १ करके जम्मा १२ ठो प्रतिकूल नमूना उप्पर मुद्दा दायर करल बा ।
ओस्टेक करके खाद्य प्रविधि तथा गुण नियन्त्रण डिभिजन कार्यालय डोटीसे विगत आय से लगत सरके आइल जमा ५ ठो प्रतिकूल खाद्य पदार्थ उपर सम्बन्धित उद्योगी व्यवसायीसंग बयान लेना तथा सरकारी बकिलसे राय लेना काम हुइटी रहल जनागिल बा । खाद्य प्रविधि तथा गुण नियन्त्रण डिभिजन कार्यालय बैतडीसेफे ३ ठो मुद्दा उपरके आवश्यक अनुसन्धान प्रकृया आघे बह्रटी रहल बा ।
चालु आ व के प्रथम त्रैमासिक अवधिमे रु ६ लाख ७८ हजार ५३० राजश्व संकलन हुइल बा । यी अवधिमे कार्यालयसे चालु ओ पुँजीगत खर्च करके जम्मा वित्तीय प्रगति ६७ प्रतिशत हासिल करले बा । कलेसे खाद्य प्रविधि तथा गुण नियन्त्रण डिभिजन कार्यालय डडेल्धुरा, डोटी र बैतडी क्रमशः ६७ ४२ ओ ८० प्रतिशत वित्तीय प्रगति हासिल करले बा ।
खाद्य प्रविधि तथा गुण नियन्त्रण कार्यालयके प्रमुख नवराज दाहलके अध्यक्षतामे हुइल कार्यक्रममे नेपाल पत्रकार महासघं कैलालीके अध्यक्ष हिमालय जोशी, उपभोक्त हकहित संरक्षण मञ्च सुदूरपश्चिम प्रदेशके सचिव झोजराज जोशी मन्तव्य व्यक्त करल रहिट । कार्यत्रमके संचालन खाद्य निरिक्षक कुमार भण्डारी करले रहिट ।
