न्यूरो सर्जरीके उपचारमे अब्बल बन्टी कैलाली अस्पताल

पहुरा समाचारदाता
धनगढी, १४ अगहन । धनगढी उपमहानगरपालिका १ पशुपति टोल स्थित कैलाली अस्पताल प्रा.लि.न्यूरो सर्जरी सम्बन्धि उपचारके लाग भरपर्दो गन्तव्य बनल बा ।

एक दशकसे वीर अस्पताल, काठमान्डौमे कार्यरत न्युरो सर्जरी विशेषज्ञ तथा सह प्रचार्य डाक्टर विकेश खम्बु (श्रेष्ठ) से न्युरो सर्जरी सम्बन्धित सक्कु उपचार कैलाली अस्पताल प्रा.लि.मे उपलब्ध रहल कैलाली अस्पताल प्रा.लि. के अध्यक्ष जनकराज जोशी बटैलै ।

अस्पतालमे न्यूरो सर्जरी सम्बन्धी मुरी, दिमाग, मेरुदण्ड अप्रेशन विशेषज्ञ सेवा सञ्चालित बा । उ सेवा लेना क्रममे २०७९ कुवाँर मसान्तसम्म केल ५ ठो जटिल शल्यक्रिया मुरी ओ दिमागके सफलता पूर्वक शल्यक्रिया करके बिरामी सामान्य अवस्थामे डिस्चार्ज हुसेकल अस्पतालके अध्यक्ष जोशी बटैलै ।

उ शल्यक्रियासे ईशारा नेपाली, त्रिभुवन सिंह, राजु सुनार, एके लोहार, आकाश चौधरी बिरामीके मुरीके चोट लागल ओ पक्षघातसे बेहोसी अवस्थामे रहल बिरामीके उच्च जोखिममे आकस्मिक शल्यक्रिया करल जानकारी डेलै । ओइनके शल्यक्रिया सफल हुइल ओ बिरामीहे ठिक हुके डिस्चार्ज करल उहाँ बटैलै ।

यहोर न्युरो सर्जरी विशेषज्ञ डाक्टर विकेश खम्बु (श्रेष्ठ) से कैलाली अस्पतालसे मुरीक, दिमाग, मेरुदण्ड अप्रेशनके बिरामीके उपचार करटी आइल बटैलै । उहाँ यैसिन स्वास्थ्य सम्बन्धी समस्या रहल बिरामीहुकनके कैलाली अस्पतालमे न्यूरो सर्जरी सम्बन्धी विशेषज्ञ चिकित्सकसहित उपचार हुइटी जानकारी डेलै । ओस्टेक कैलाली अस्पतालमे सक्कु स्वास्थ्य समस्या हुइल बिरामीहुकनके चेकजाँच तथा उपचार हुइटी आइल बा ।