युवतीके हत्या आरोपमे फरार सशस्त्र प्रहरी जवान पक्राउ
पहुरा समाचारदाता
बैतडी, १८ अगहन । बैतडीके पञ्चेश्वर गाउँपालिका–४ के २१ वर्षीया माया लुहार प्रकरणके आरोपी महेन्द्रनगरसे पक्राउ परल बाटै ।
मयााके हत्या करल अभियोगमे शिवनाथ गाउँपालिका–४ के भरतराम कोली महेन्द्रनगरसे पक्राउ परल सुदूरपश्चिम प्रदेश प्रहरी कार्यालय जनैले बा ।
प्रदेश प्रहरी कार्यालयके प्रमुख प्रहरी नायब महानिरीक्षक (डीआईजी) मोहनकुमार आचार्य कोली महेन्द्रनगरसे पक्राउ परल पुष्टि करलै ।
जिल्ला प्रहरी कार्यालय कञ्चनपुरके प्रहरी निरीक्षक पुष्कर पन्त अँट्वार सकारे महेन्द्रनगर बजारमे घुम्टी रहल अवस्थामे कोलीहे पक्राउ करल जानकारी डेलै । २२ वर्षीय कोली हुल तथा दंगा तालिम व्यवस्थापन शिक्षालय पोखरामे सशस्त्र प्रहरी जवानके रूपमे कार्यरत रहिट ।
प्रहरी निरीक्षक पन्त पक्राउ परल कोलीहे बैतडी प्रहरीहे बुझैना बटैलै । माया गत बुधके शिवनाथ गाउँपालिकामे घाँटी रेटल अवस्थामे मृत भेटल रही । पक्राउ परल कोली ओ माया प्रेम सम्बन्धमे रहल बुझल बटैटी प्रहरी घटनाबारे अनुसन्धानपाछे किल थप जानकारी खुल्ना जनाइल बा ।
–
–
