थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

अत्तरियामे अतिक्रमण संरचना भत्कैना सुरु

पहुरा | १८ मंसिर २०७९, आईतवार
अत्तरियामे अतिक्रमण संरचना भत्कैना सुरु

पहुरा समाचारदाता
अत्तरिया, १८ अगहन ।
कैलालीके गोदावरी नगरपालिकासे सडक क्षेत्र अतिक्रमण कैके बनाइल संरचना भत्कैना सुरु करले बा ।

नगरपालिकासे अँट्वारसे अत्तरिया बजारक्षेत्रमे सडक क्षेत्र अतिक्रमण कैके बनाइल संरचना भत्कैना काम सुरु करल हो । नगरपालिका आघेसे सुरु करल उक्त कार्य बजार क्षेत्रमे फेन हटैना जनाइल बा । नगरप्रमुख विरेन्द्र भट्ट अत्तरिया बजारहे सून्दर ओ व्यवस्थित बनाइक लाग अतिक्रमित संरचना हटैना काम सुरु करल बटैलै ।

‘बजारके व्यवस्थापनके लाग पहिले हम्रे ठेलाछाप्राके व्यवस्थापन कैना काममे ध्यान डेले रही, ओइनहे बसपार्कके खाली क्षेत्रमे रख्ले फेन बाटी’ उहाँ कहलै‘आब बजारमे सडक क्षेत्र अतिक्रमण कैके बनाइल पक्की ओ कुछ टिनके संरचना भत्कैना काम सुरु करले बाटी, इहीसे बजार व्यवस्थित कैना मद्दत पुग्ना विश्वास लेले बाटुँ ।’

उहाँ अतिक्रमित संरचना हटाइक लाग ४ चोसम सुचना जारी कैलेसे फेन अटेरी करेबर अब्बे डोजर लगाके संरचना भत्काइ लागल बटैलै । उहाँ भत्कैनासे आघे फेन नगरप्रहरीके टोली बजारमे व्यापारीहे जानकारी करैना पठाईल बटैलै । उहाँ खोकाछाप्राहे बसपार्कमे राखजैना कलेसे फेन सेनाके विवादके कारण कुछ समस्या हुइल बटैलै । उहाँ जमिन अभावके कारण खोकाछाप्रा व्यवस्थित हुइ नैसेकल ओरसे ओइनके व्यवस्थापनके लाग छलफल चल्टी रहल ओ कौनो स्थान खोजके तत्काल व्यवस्थापन कैना जनाइल बा ।

जनाअवजको टिप्पणीहरू