थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

वडास्तरीय प्रारम्भिक बालविकास समिति गठन

पहुरा | १८ मंसिर २०७९, आईतवार
वडास्तरीय प्रारम्भिक बालविकास समिति गठन

पहुरा समाचारदाता
हसुलिया, १८ अगहन ।
कैलारी गाउँपालिका वडा नं १ मे वडा स्तरीय प्रारम्भिक बालविकास समिति गठन करल बा ।

वडा नं १ के वडाअध्यक्ष धोज हरिपाल बोहराके अध्यक्षतामे ७ सदस्यीय वडा स्तरीय प्रारम्भिक बालविकास समिति गठन करल हो । समितिके सदस्यमे लिलापति चौधरी, कमलेश चौधरी, बजारीराम चौधरी, माया चौधरी, धनपती चौधरी, मन्जु अधिकारी रहल पीसवीन कैलालीके जिल्ला परियोजना संयोजक शान्ती मगर बटैली ।

नेपालमे प्रारम्भिक बाल शिक्षा ओ विकासके सबलीकरणका लागि प्रारम्भिक सिकाइ तथा विकास मापदण्ड कार्यान्वयन परियोजना अन्तर्गत वडा स्तरीय बालविकास समिति गठन करल ओ ९ वडामे गठन प्रक्रिया सुरु करल पीसवीन कैलालीके जिल्ला परियोजना संयोजक मगर जानकारी डेली ।

प्रारम्भिक बालविकासके क्षेत्रमे टमान निकाय पक्षसे हुइल कार्य एकीवृmत कैना, प्रारम्भिक बाल्यावस्थाके बालबालिकाके सर्वाङीण विकासके अधिकारहे सुनिश्चित कैना स्थानीय तहके भूमिका प्रवद्र्धन कैना, स्थानीय तहमे तर्जुमा कैना वार्षिक तथा आवधिक योजनामे प्रारम्भिक बालविकासके क्षेत्रमे लगानी करके गुणस्तर अभिवृद्धि कैना मद्दत पुगैना उद्देश्यसे कार्यक्रमके आयोजना, वडास्तरमे गठित समितिसे आगामी दिनमे स्थानीय स्तरमे प्रमुख कार्यान्वयनकर्ताके रुपमे भुमिका निर्वाह करी जिहीसे प्रारम्भिक बालविकास रणनिति लागु कैना, प्रारम्भिक वालविकासके कार्यक्रम कार्यान्वयन, प्रारम्भिक वालविकासके कार्यक्रम कार्यान्वयनके लाग आर्थिक स्रोतके व्यवस्थावपन ओ परिचालनके कैना अपेक्षा लेहल बा ।

उदघाटन सत्रमे बोल्टी गाउँपालिका अध्यक्ष राजसमझ चौधरी प्रारम्भिक बालविकासके सवालमे गाउँपालिका बहुट संवेदनशिल बनल बटैलै । यी कार्यक्रमसे गाउँपालिकाके समग्र बालविकासके शैक्षिक गतिविधिमे उल्लेखनिय सुधार हुइल पाइल बटी । ओ यी क्षेत्रमे हुइल मुख्य समस्या ओ सवालहे मध्यनजर करटी अइना दिनमे परियोजना टिमसंग सहकार्य करटी आघे बह्री । गाउँपालिका अध्यक्ष राजसमझ चौधरीके अध्यक्षतामे सञ्चालन करल कार्यक्रममे प्रमुख प्रशासकीय अधिकृत, वडा अध्यक्ष, वडा सचिव, वडा सदस्य,विषयगत शाखा प्रमुख, शिक्षा शाखा प्रमुख, बाल क्लव, महिला स्वास्थ्य स्वयंसेविका, भलभन्सा लगायतके कर्मचारीहुकनके सहभागिता रहल रहे ।

जनाअवजको टिप्पणीहरू