जनप्रतिनिधिहे बधाई तथा सम्मान
पहुरा समाचारदाता
भजनी, २१ अगहन । जनता सामुदायिक पुस्तकालय तथा स्रोत केन्द्र भजनीसे नवनिर्वाचित जनप्रतिनिधिहे बधाई तथा सम्मान करले बा ।
बुधके एक कार्यक्रम आयोजना कैटी कैलाली क्षेत्र नम्बर ३ के प्रतिनिधि सभा सदस्य गंगाराम चौधरी ओ कैलाली क्षेत्र नं. ३(क)के प्रदेश सभा सदस्य घनश्याम चौधरी ओ कैलाली क्षेत्र नं. १(क)के प्रदेश सभा सदस्य कैलाश चौधरीहे बधाई तथा सम्मान करल हो ।
स्रोत केन्द्रके अध्यक्ष हेमेन्द्र भारद्वाजके अध्यक्षतामे कार्यक्रम हुइल हो । कार्यक्रममे भजनी नगरपालिकाके उपप्रमुख राजु तिरुवा, वडा नम्बर १ के वडा अध्यक्ष धर्मेन्द्र श्रेष्ठ, महुन्याल बहुमुखी क्याम्पस भजनीके अध्यक्ष प्रदीप मल्ल, साहित्यिक समाज भजनीके अध्यक्ष टीकाराम जोशी, पुस्तकालयके पूर्व अध्यक्ष तथा सल्लाहकार डम्बर खड्का, सल्लाहकार तथा समाजसेवी रुद्रप्रसाद जोशी रहल रहिट ।
कार्यक्रममे पुस्तकालय व्यवस्थापन समितिके पदाधिकारी, सल्लाहकार सदस्य, पत्रकार, पुस्तकालयप्रेमी लगायतके उपस्तिथि रहल रहे ।
जनता सामुदायिक पुस्तकालय तथा स्रोत केन्द्र भजनीके उपाध्यक्ष तथा पुस्तकालयके केन्द्रीय उपाध्यक्ष ज्ञानराज बिनाडी स्वागत मन्तव्य राखल रहिट । कार्यक्रमके सञ्चालन सचिव कविराज जैशी करल रहिट ।
–
–
