वडाध्यक्ष नरसिंहसे देउथानसहित थारु संग्राहलय निर्माणके लाग सहयोग डेना
पहुरा समाचारदाता
मसुरिया, २१ अगहन । कैलालीके गौरीगंगा नगरपालिका–१० के वडा अध्यक्ष नरसिंह सार्की देउथानसहित थारु संग्राहलय निर्माणके लाग २४ हजार रुप्या डेना घोषणा करले करले बटै । यिहीसे आघे उहाँ थारु डेउथान ओ संग्राहलय निर्माणके लाग २०७५ सालमे ११ हजार रुप्या डेहल रहिट ।
कैलालीके गौरीगंगा नगरपालिका–१० मे निर्माणधिन अवस्थामे रहल देउथानसहित थारु संग्राहलयके लाग अब्बे वडा कार्यालय ५ लाख ओ नगरपालिकासे २ लाख करके यी बरष ७ लाख बजेट बिनियोजित हुइल बा ।
२०७५ सालमे स्थापना हुईल देउथान यिहीसे पहिले वडा कार्यालयसे आ.व. २०७७/७८ मे ५ लाख २०७८/७९ मे ५ लाख कैके १० लाख बजेट जग निर्माण ओ चिनाईसमके काम हुइल बा । निर्माण कार्य आघेक बह्राइक लाग यी बरष लेन्टरके लाग ७ लाख बजेट विनियोजना हुइल बा ।
देउथानसहित थारु संग्राहलय आठ कोठाके बन्टी रहल बा । यकर पूरा निर्माणके लग अभिन १ करोडसे धेउर बजेट लग्ना कहल बा ।
ओस्टेक करके देउथानसहित थारु संग्राहलयके अधुरो भवन निर्माण समिति गठन हुइल बा जेकर अध्यक्षमे चरणकुमार चौधरी बटै । सचिवमे धनीराम चौधरी, कोषाध्यक्षमे मिनाकुमारी चौधरी, सदस्य रामपति चौधरी, गोपालदास चौधरी, खुशीराम चौधरी, रुपाली कठरिया, देवीराम चौधरी, पार्वती चौधरी रहल बटै ।
ओस्टेक हिंगुराम चौधरीके संयोजकत्वमे तीन सदस्य अनुगमन समितिफे गठन हुइल बा । सदस्यमा मानबहादुर चौधरी ओ हरिराम चौधरी रहल बटै । अधुरो भवनके काम विफेसे शुरु हुइना उपभोक्ता समितिके अध्यक्ष चरणकुमार चौधरी बटैलै ।
–
–
