थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

गुर्गी बाँध सिंचाई जल उपभोक्ता संस्थाके अध्यक्षमे भीष्म चौधरी निर्वाचित

पहुरा | १० पुष २०७९, आईतवार
गुर्गी बाँध सिंचाई जल उपभोक्ता संस्थाके अध्यक्षमे भीष्म चौधरी निर्वाचित

पहुरा समाचारदाता
हसुलिया, १० पुस ।
कैलाली जिल्ला कैलारी गाउँपालिका–२ मे रहल गुर्गी बाँध सिंचाई जलउपभोक्ता संस्थाके अध्यक्ष पदमे भीष्म चौधरी विजयी हुइल बटै ।

उ सिचाई जल उपभोक्ता संस्थाके साधारण सभासे लौवा कार्य समिति चयनके लाग हुइल निर्वाचनमे उहाँ अपन प्रतिद्वन्द्वी लहानु चौधरीहे २१६ मतान्तरसे हरैटी अध्यक्ष पदमे विजयी हुइल हुइट । नवनिर्वाचित भिष्म चौधरी ९३१ नन्लै कलेसे हुकान प्रतिद्वन्द्वी लहानु ७१५ मत नन्लै । निर्वाचनके लाग कलमके फुला ओ मच्छरी चुनाव चिन्ह राखल रहे । कमल फुला चुनाव चिन्ह लेके हुइल निर्वाचनमे भीष्मके पुरा टिम विजयी हुइल बा ।

उपाध्यक्षमे तीर्थकुमारी चौधरी (कमल फुला चुनाव चिन्ह) ९१० नानके विजयी हुइलै, हुकान प्रतिद्वन्द्वी राजेन्द्र चौधरी (मच्छरी चुनाव चिन्ह) ७२० नन्लै । कोषाध्यक्षमे अमरानी चौधरी (कमल फुला चुनाव चिन्ह) ९०७ मत नानके विजयी हुइलै, पवित्रीदेवी चौधरी (मच्छरी चुनाव चिन्ह) ७२३ मत नन्लै । सचिव पदमे दयाशंकर चौधरी (कमल फुला चुनाव चिन्ह) ९१७ मत नानके विजयी हुइलै, मिनाकुमारी चौधरी (मच्छरी चुनाव चिन्ह) ७०८ मत नन्लै । ओस्टेक करके सहसचिव पदमे रामप्रसाद चौधरी (कमल फुला चुनाव चिन्ह) ९१० मत नानके विजयी हुइलै, रामचरण चौधरी (मच्छरी चुनाव चिन्ह) ७१७ मत नन्लै ।

ओस्टेक करके कमल फुला चुनाव चिन्ह लेके उठल सक्कु सदस्य विजयी हुइल बटै । जेम्ने चरणलाल चौधरी (७९७), ओमप्रकाश भुल ७९८, शंकरप्रसाद चौधरी ७९६, शारदादेवी कामी ७९२, इन्द्रबहादुर डंगौरा ७९२ ओ लक्ष्मीदेवी कठरिया ७८८ मत नानके विजयी हुइल बटै । ओस्टेक करके मच्छरी चुनाव चिन्ह लेके उठल सदस्य ज्ञानु चौधरी ५६३, हनुमान चौधरी ६१४, पुष्पादेवी चौधरी ११३ मत पैले रहिट ।

जनाअवजको टिप्पणीहरू