ख्रीष्टमस पर्व मनागिल

पहुरा समाचारदाता
पहलमानपुर, १० पुस । कैलालीके घोडाघोडी नगरपालिका–२, त्रिवेणी बजारमे अँटवारके रोज ख्रीष्टमस पर्व मनागिल बा ।

सहरा चर्चके पाष्टर सुरजबहादुर कठरियाके अध्यक्षतामे हुइल कार्यक्रमके वडका पहुना घोडाघोडी नगरपालिकाके उपप्रमुख गुलियाकुमारी चौधरी रहल रहिट । कार्यक्रममे उहाँ नेपालहे धर्म निरपेक्षता घोषणा करसेकल ओरसे सक्कु बराबर रहल बटैली । उहाँ कहली, ‘सक्कु धर्म असल डगर डेखाइठ मने ओकर अगुवाहुक्रे (बाँकी ३ पेजमे) व्यवहार कैसिन रहना कना बाटमे निर्भर रहठ ।’

कार्यक्रममे विशिष्ट पहुना घोडाघोडी नगरपालिका–२ के अध्यक्ष रामदुलारे चौधरी, पहुनामे घोडाघोडी नगरपालिकाके कार्यपालिका सदस्य आकाश परियार, घोडाघोडी–१२ के भल्मन्सा शिवकुमार कठरिया, त्रिवेणी बजारके चेतराज चौधरी, कोटा गाउँक बुद्धिजीवी भरत चौधरी, त्रिवेणी बजारके व्यापारी छेदु चौधरी रहिट । कार्यक्रमके संचालन सहरा चर्चके अगुवा विश्वासी लाल चौधरी करले रहिट ।